БУУӨП жана БУУ системасы

Бириккен Улуттар Уюмунун 2023–2027-жылдарга карата Кыргыз Республикасында туруктуу өнүктүрүү боюнча кызматташуунун алкактык программасы Кыргыз Республикасында БУУнун өнүктүрүү системасынын программасын пландаштыруу жана аны ишке ашыруу үчүн негизги стратегиялык документ болуп саналат. Программа көп тараптуу консультациялардын жыйынтыгында иштелип чыккан жана БУУ менен Кыргыз Республикасынын Өкмөтү тарабынан 2022-жылдын июнь айында кол коюлган. UNSDCF Кыргыз Республикасын өнүктүрүүнүн улуттук стратегияларына жана пландарына толугу менен шайкеш келет жана 2030-жылга чейинки күн тартибине жана туруктуу өнүктүрүү максаттарынын (ТӨМ) локалдуу максаттарына жетишүүнү колдойт. UNSDCF БУУнун 27 фондунан, агенттиктеринен жана программаларынан турган БУУнун өлкө тобу тарабынан ишке ашырылат. 

UNSDCF 2023-2027 Кыргыз Республикасы үчүн төрт стратегиялык артыкчылыктуу багыттарды камтыйт:

1.  Сапаттуу социалдык кызматтарга (билим берүү, саламаттыкты сактоо, социалдык коргоо) жана татыктуу жумушка бирдей жеткиликтүүлүк;
2.  Инклюзивдик жашыл социалдык-экономикалык өнүгүү;
3.  Климаттын өзгөрүшүнө, кырсык тобокелдигин башкарууга жана айлана-чөйрөнү коргоого инклюзивдүү мамиле;
4.  Тынчтык, биримдик жана адам укуктары үчүн адилет, жоопкерчиликтүү жана инклюзивдик институттар жана жарандык коом.

Ар бир артыкчылыктуу багыт Бириккен Улуттар Уюмунун эки агенттиги, Кыргыз Республикасынын Президентинин администрациясынын өкүлү жана тиешелүү тармактык министрликтин өкүлү тарабынан тең төрагалык кылган ведомстволор аралык биргелешкен топ тарабынан көзөмөлдөнөт. БУУӨП БУУнун Бүткүл дүйнөлүк азык-түлүк уюму (БДП) менен 3-стратегиялык приоритеттин панелин жана Бириккен Улуттар Уюмунун Адам укуктары боюнча Жогорку Комиссарлыгынын кеңсеси менен 4-стратегиялык приоритеттин панелин тең төрагалык кылат.

UNSDCF эки жылдык биргелешкен иш пландары аркылуу ишке ашырылат, алар БУУнун өлкөдөгү иш-чаралардын комплекси болуп саналат. 2023-2024-жылдарга биргелешкен иш пландары 2023-жылдын март айында БУУнун өкмөттүк биргелешкен стратегиялык координациялык комитети тарабынан бекитилген.

БУУӨП Туруктуу өнүгүү максаттарынын интегратору катары 

2018-жылга БУУнун өнүктүрүү системасын реформалоонун алкагында БУУӨП интегратор катары иш алып барат жана өлкөнүн деңгээлинде БУУнун башка агенттиктерине оперативдүү колдоо көрсөтөт. БУУӨП башка агенттиктерди жана өнөктөштөрдү Кыргыз Республикасындагы татаал милдеттерди чечүү максатында бириктирет. БУУӨП ошондой эле Кыргыз Республикасындагы БУУнун башка мүчөлөрү менен бир нече биргелешкен программаларды жана долбоорлорду ишке ашырат.