Cənab Slobodan Tadiç 2024-cü ilin may ayından etibarən BMT-nin İnkişaf Proqramının (BMTİP) Azərbaycandakı Rezident Nümayəndəsinin müavini vəzifəsində çalışmış və 2024-cü ilin noyabr ayından etibarən Rezident Nümayəndənın səlahiyyətlərini icra etməyə başlamışdır.

O, BMT sistemində 25 illik təcrübəyə malik olan təcrübəli BMTİP əməkdaşıdır. Cənab Tadiç BMT-nin İnkişaf Proqramının Sudan Ölkə Ofisində fövqəladə böhranlar üzrə baş koordinator və baş proqram meneceri, BMTİP Türkmənistanda rezident-nümayəndənin müavini vəzifələri də daxil olmaqla, karyerası ərzində çoxsaylı yüksək vəzifələrdə çalışıb. O, həmçinin BMTİP-nin Nyu-Yorkdakı Baş Qərargahında BMTİP-nin Avropa və MDB üzrə Regional Bürosunda Ölkə ofisi əlaqə və nəzarət şöbəsinin nümayəndəsi, BMTİP-nin Bosniya və Herseqovina Ölkə Ofisində rezident-nümayəndənin köməkçisi, baş proqram koordinatoru, İstanbuldakı BMTİP Regional Mərkəzində Cənub-Cənub (Şərq-Şərq) əməkdaşlıq müşaviri, BMTİP-nin Ukraynada yenidənqurma üzrə müşaviri və bir çox başqa vəzifələrdə çalışıb. 

Slobodan Tadiç Bosniya və Herseqovinanın Banya Luka Biznes Universitetində ixtisaslaşdırılmış tədqiqatlar üzrə aspirantura, iqtisadiyyat üzrə magistr və bakalavr dərəcələrinə, habelə Serbiyanın Novi Sad Universitetinin Riyaziyyat və informasiya texnologiyaları fakültəsində İT mühəndisliyi üzrə bakalavr dərəcəsinə malikdir.