მაჭახლის ხეობის მხარდაჭერა გაეროს განვითარების პროგრამისა და იაპონიის ერთობლივი ინიციატივის ნაწილია, რომელიც ტყის დაცვასა და განახლებადი ენერგიის ხელშეწყობას ემსახურება. 545,000 აშშ დოლარის ღირებულების 12-თვიანი პროექტი საქართველოს გარემოს დაცვისა და სოფლის მეურნეობის სამინისტროსთან, აჭარის ავტონომიური რესპუბლიკის სოფლის მეურნეობის სამინისტროსთან და ხელვაჩაურის მუნიციპალიტეტის ადმინისტრაციასთან თანამშრომლობით ხორციელდება. 

ამ პროექტის ფარგლებში, გაეროს განვითარების პროგრამა და იაპონია ხელს უწყობენ საზოგადოების აქტიურ მონაწილეობას ტყის რესურსების მდგრად მართვაში და ქალებისა და ახალგაზრდების ჩართულობის გაზრდას ცენტრალურ, რეგიონულ და მუნიციპალურ დონეზე.

გარდა ამისა, აღნიშნულ პროექტს წვლილი შეაქვს საქართველოს მიერ პარიზის ხელშეკრულების მიმართ აღებული ვალდებულებების შესრულებაში: 2030 წლისთვის, ტყის მიერ ნახშირბადის შთანთქმის გაზრდა 10 პროცენტით 2015 წელთან შედარებით და სათბურის აირების ემისიების შემცირება 30-35 პროცენტით 1990 წელთან შედარებით. 

დამატებითი ინფორმაცია:

საქართველოს ტყის დაცვის მხარდაჭერა ხორციელდება UNDP-ის გლობალური ინიციატივის, Climate Promise, ფარგლებში, რომელიც 120 ქვეყანასა და ტერიტორიას მოიცავს და კლიმატური დაპირების პრაქტიკულ შესრულებას ემსახურება. საქართველო იმ 23 ქვეყნის რიცხვშია, სადაც Climate Promise იაპონიის დაფინანსებით ხორციელდება.

საკონტაქტო ინფორმაცია:

• სოფო ჭიჭინაძე, UNDP, +995 599 196907, sophie.tchitchinadze@undp.org
• ირა სულავა, UNDP, +995 599 579105, irine.sulava@undp.org