წინამდებარე კვლევა შეისწავლის ტურიზმისა და სიჯანსაღის ანუ ველნესის სექტორებში არსებულ შრომის ბაზარს. კვლევის მიგნებები ეყრდნობა  საქართველოს ხუთი რეგიონის 14 მუნიციპალიტეტში მოპოვებულ მონაცემებს (აჭარის ავტონომიური რესპუბლიკა, გურია, იმერეთი, კახეთი და რაჭა-ლეჩხუმი-ქვემო სვანეთი).

კვლევა განახორციელდა ევროკავშირისა და გაეროს განვითარების პროგრამის დაკვეთით, კვლევითი ორგანიზაციის „ეი-სი-თი“-ს მიერ, საქართველოს განათლებისა და მეცნიერების სამინისტროსთან და უნარების სააგენტოსთან თანამშრომლობით. 

ძირითადი მიგნებები:

• დასაქმების ხელშემშლელ მიზეზებს შორის დამსაქმებლები ყველაზე ხშირად სამსახურის მაძიებელთა დაბალ კვალიფიკაციასა და არასაკმარის მოტივაციას  ასახელებენ. 
• დამსაქმებელთა უმეტესობა, 88%, პროფესიულ სასწავლებლებთან არ თანამშრომლობს, ხოლო 31%, მსგავსი პარტნიორობის უპირატესობებსაც კი ვერ ხედავს.
• დამსაქმებელთა მხოლოდ 24%-ს აქვს გამოცდილება პროფესიულ საგანმანათლებლო დაწესებულებებთან თანამშრომლობის მხრივ, რაც უმეტესწილად, სტუდენტების სტაჟირებასა და პრაქტიკული სწავლების შეთავაზებას მოიაზრებს.
• მომსახურებისა და გაყიდვების პერსონალი, ტექნიკოსები და დამხმარე სპეციალისტები ყველაზე მოთხოვნადი პროფესიებია ყველა რეგიონში.
• ტურიზმის სექტორში ყველაზე მოთხოვნადი პროფესიებია მზარეულები (34%), მიმტანები (20%) და სასტუმროს მომსახურე პერსონალი (15%).