კონფერენციის მსვლელობაში, გაიმართა პანელური დისკუსია სახელმწიფო მმართველობის რეფორმის მიმდინარეობის შესახებ. დისკუსიების მონაწილეებმა იმსჯელეს რეფორმის წარმატებებსა და გამოწვევებზე და ასევე განიხილეს საჯარო მოხელეთა პროფესიული განვითარებისა და კარიერული ზრდისთვის ხელსაყრელი გარემოს შექმნა.

პანელურ დისკუსიაში მონაწილოება მიიღეს ლელა ჩიქოვანმა, საქართველოს თავდაცვის მინისტრის პირველმა მოადგილემ, ზვიად ბარქაიამ, საქართველოს მთავრობის ადმინისტრაციის უფროსის მოადგილემ, და მანანა ნარიმანიძემ, დუშეთის მუნიციპალიტეტის მერმა.

კონფერენციაზე შექმნილმა სადისკუსიო პლატფორმამ ხელი შეუწყო ცოდნისა და საუკეთესო პრაქტიკის გაზიარებას, რაც მნიშვნელოვანია ეფექტიანი საჯარო სამსახურის განვითარებისთვის, რომელიც შესაბამისობაში იქნება ქართველი ხალხის საჭიროებებსა და მისწრაფებებთან.

###

გაერთიანებული სამეფო და გაეროს განვითარების პროგრამა (UNDP) 2016 წლიდან მხარს უჭერენ სახელმწიფო მმართველობის რეფორმას საქართველოში. ეს დახმარება ხორციელდება საქართველოს საჯარო უწყებებთან, სამოქალაქო საზოგადოებასა და საერთაშორისო პარტნიორებთან მჭიდრო თანამშრომლობის პირობებში და მიზნად ისახავს რეფორმის რამდენიმე საკვანძო მიმართულების მხარდაჭერას. მათ შორისაა პოლიტიკის დაგეგმვა და კოორდინაცია, ადამიანური რესურსების მართვა, საჯარო სამსახურის რეფორმა და სახელმწიფო სერვისების განვითარება. აღნიშნული ინიციატივის მეორე ეტაპი, რომლის ღირებულება 2,550,000 ბრიტანულ ფუნტს შეადგენს, 2025 წლის ბოლომდე გაგრძელდება.

###

საკონტაქტო ინფორმაცია

• სოფო ჭიჭინაძე, UNDP, sophie.tchitchinadze@undp.org, +995 599 196907
• ელენე საყვარელიძე, UNDP, elene.sakvarelidze@undp.org, +995 599 003944
• ეკატერინე სირაძე, საჯარო სამსახურის ბიურო, esiradze@csb.gov.ge,  +995 577 244599