თბილისის უკრაინული სახლი 2023 წლის სექტემბერში, გერმანიის მთავრობისა და UNDP-ის ხელშეწყობით გაიხსნა. მას შემდეგ, მან 4,000-ზე მეტი ადამიანი მიიღო და სხვადასხვა სახის სერვისი შესთავაზა, მათ შორის ენის სასწავლო კურსები, ფსიქოლოგიური კონსულტაციები და თერაპია, ხელოვნების გაკვეთილები და თემატური სემინარები. 

გასული წლის მანძილზე, უკრაინულ სახლში 150-ზე მეტი კულტურული და სოციალური ღონისძიება გაიმართა. ასევე შექმნა რეფერალური სისტემა, რომლის მეშვეობით უკრაინელი ლტოლვილები იღებდნენ ინფორმაციას მათთვის განკუთვნილი სახელმწიფო თუ არასამთავრობო სოციალური და ეკონომიკური სერვისების შესახებ.

უკრაინული სახლი უფასო სამუშაო სივრცეს სთავაზობს უკრაინულ არასამთავრობო ორგანიზაციებსა და მოხალისეთა ჯგუფებს, რომლებიც უკრაინელ ლტოლვილებს ეხმარებიან. გარდა ამისა, ეს კულტურული თანამშრომლობის ჰაბია, რომელსაც მნიშვნელოვანი წვლილი შეაქვს საქართველოსა და უკრაინას შორის თანამშრომლობისა და მეგობრობის განმტკიცებაში.

დამატებითი ინფორმაცია:

გერმანიის მხრიდან 1.6 მილიონი აშშ დოლარის დაფინანსებით, გაეროს განვითარების პროგრამა (UNDP) ხელს უწყობს საქართველოში კანონის უზენაესობის განმტკიცებასა და დაუცველი მოსახლეობის სამართლებრივი და სოციალურ-ეკონომიკური მდგრადობის გაძლიერებას. თბილისის უკრაინული სახლის ხელშეწყობა ამ პროექტის ერთ-ერთი მნიშვნელოვანი შემადგენელია. 

საკონტაქტო ინფორმაცია ჟურნალისტებისთვის:

• სოფო  ჭიჭინაძე, UNDP, +995 599 196907, sophie.tchitchinadze@undp.org 
• ელენე საყვარელიძე, UNDP, +995 599 003944, elene.sakvarelidze@undp.org