Бүгін БҰҰДБ-ның Қазақстандағы Тұрақты өкілі Якуп Беріш Қазақстан Республикасының Еңбек және халықты әлеуметтік қорғау министрі Тамара Дүйсеновамен кездесті. Тараптар Қазақстандағы реформалардың жаңа бағдарламасы аясында ынтымақтастықтың басым бағыттарын талқылау үшін кездесті.

«БҰҰДБ Қазақстан Республикасының Еңбек және халықты әлеуметтік қорғау министрлігімен ұзақ мерзімді және өсіп келе жатқан ынтымақтастықты жоғары бағалайды. Біз Қазақстан халқының қажеттіліктеріне бағытталған тәсілді бағалаймыз. Біз ешкімді артта қалдырмау үшін халықтың ең осал топтарына ерекше назар аудара отырып, қазіргі реформалар бағдарламасына қатысты елді қолдауға дайынбыз», - деді Якуп Бериш.

Талқылау барысында БҰҰДБ-ның 2022-2025 жылдарға арналған таяуда қабылданған цифрлық стратегиясында айқындалғандай, цифрлық технологияларға «өзгерістердің негізін қалаушы күш» ретінде көшудің маңыздылығы қозғалды. БҰҰДБ цифрландыру процесін халықтың неғұрлым осал топтарын қамтуға және инклюзивті, әдепті және тұрақты цифрлық қоғам құруға көмектесетін тұрақты дамудың кілті ретінде қарастырады.

Қазіргі уақытта Қазақстандағы БҰҰДБ мен Қазақстан Республикасы Еңбек және халықты әлеуметтік қорғау министрлігі талдау жүргізетін, мақсатты анықтайтын және осал топтарға кешенді қолдау көрсететін Қазақстанның неғұрлым осал топтары туралы ақпаратты неғұрлым кең әріптестік экожүйеге тез және тиімді жинауға, ықпалдастыруға және өңдеуге қабілетті платформаны құру үшін қолда бар цифрлық құралдарды пайдалануға бағытталған бастаманы іске асыруда. Жоба Қазақстандағы халықтың неғұрлым осал топтарын тиімді әлеуметтік қолдаудың кешенді, гендерлік бағдарланған, тұтас және ұтымды жүйесін құруға, әлеуметтік-экономикалық күйзелістер салдарын жұмсартуға және БҰҰ-дың «ешкімді артта қалдырмау» қағидатын сақтауға бағытталған.

Тараптар сондай-ақ Қазақстандағы бейресми жұмыспен қамту мәселесін және оның халықтың осал топтарына күшті әсерін талқылады. БҰҰДБ Тұрақты өкілі осалдық дәрежесін бағалау және Қазақстандағы бейресми жұмыспен қамтудың негізгі себептерін түсіну үшін елдік кеңсе бастамашылық еткен жаңа зерттеулер туралы хабардар етті.

2000-шы жылдардан бастап БҰҰДБ БҰҰ-дың мекемелер жүйесімен бірлесіп Министрлікке арнайы әлеуметтік қызметтер құру, халықтың осал топтарын әлеуметтік қолдаудың тиімді моделін әзірлеу және мүмкіндігі шектеулі адамдарға ерекше назар аудара отырып, жұмыс орындарын құру арқылы кедейлікті азайтуға бағытталған стратегиялық құжаттар мен бағдарламаларды іске асыруда қолдау көрсетіп келеді.