ផែនការយុទ្ធសាស្រ្តជាតិស្តីពីពិការភាពឆ្នាំ២០២៤-២០២៨ ទទួលស្គាល់ពីភាពចម្រុះនៃប្រជាជនកម្ពុជាដែលមានពិការភាព ជាអាទិ៍ជនជាតិដើម ស្ថានភាពសង្គមសេដ្ឋកិច្ច កម្រិតវប្បធម៌ ជាតិពន្ធុ អត្តសញ្ញាណយេនឌ័រ និន្នាការភេទ និន្នាការនយោបាយ ជំនឿសាសនា ពណ៌សម្បុរ និងពិការភាព។

ផែនការយុទ្ធសាស្រ្តជាតិស្តីពីពិការភាពឆ្នាំ២០២៤-២០២៨ មានគោលបំណងលើកទឹកចិត្តការធ្វើសកម្មភាពទាំងឡាយ ដើម្បីឆ្លើយតបចំពោះសិទ្ធិ និងភាពចម្រុះរបស់កុមារ យុវជន មនុស្សពេញវ័យ និងមនុស្សវ័យចាស់ ដែលមានពិការភាពប្រភេទផ្សេងៗគ្នាមិនថាពិការភាពនោះបណ្តាលមកពីមូលហេតុអ្វីឡើយដូចជាវិកលសម្បទាផ្នែករាងកាយ គំហើញ ការស្តាប់ ញាណដឹង សតិបញ្ញា និងចិត្តសង្គម។