ڕێبازی یەك: وشە و هاشتاگەکان

بەرنامەڕێژیی سەکۆکانی تۆڕی کۆمەڵایەتی دیزاینکراون بۆ هاریکاریکردنی بەکارهێنەران لە دۆزینەوەی زانیاریدا. بەکارهێنانی تەکنۆلۆژیا کلیلی ئێمەیە وەکو دۆزەرەوانی چارەسەر و پێویستە بەردەوام خۆمان بگونجێنین لەگەڵ هەلومەرجە گۆڕاوەکاندا. لەکاتی ئەم پەتایەدا، بۆ ماوەی سێ مانگ، ئینتەرنێت پێڕاگەشتنی سەرەکیمان بووە بە کۆمەڵگە. ڕۆژانە من چاودێری وشە باوەکان (هاشتاگەکان)م کردووە و لێکم داون چونکە پەیوەندیان هەبووە بە تاقیگەی خێراكردنەوە بۆ تێگەشتن لەوەی چی ڕوودەدات لە کۆمەڵگەدا. لەم پرۆسەی ئینتەرنێتیەدا بۆ دۆزینەوەی چارەسەر بە بەکارهێنانی ڕێبازی بیرکردنەوەی سیستەمەکان، من حەوت چارەسەری ناوخۆییم دۆزیەوە کە بەدەنگی پەتاکەوە دەچن، سەکۆی کۆرۆنا لە عێراق (فراوانکراوە و رادەستی حکومەت کراوە)، مەوداکانی چاپکردنی دەموچاوی سێ ڕەهەندی، قەڵغانی PTE دەموچاو، دەروازەی پاکژکردن، ئامڕازی هەواگۆڕكێ لەلایەن ئەکادیمایکارانەوە، ئامڕازی هەواگۆڕكێ لەلایەن وەزارەتی پیشەسازی و کانزاکانەوە (لەژێر تاقیکردنەوەدایە) وە سەکۆی کلینیکی پزیشکی لە ماڵەوە.

ڕێبازی دوو: تیمی خزمەتگوزرای كۆمەڵگا

زاراوەی "چارەسەری ناوخۆیی" لەکاتی ڕاهێنانی سەرەتاییدا بە تیمی خۆبەخشی خزمەتگوزاریی کۆمەڵگەدا باسکراوە کە بوە چاومان لە کۆمەڵگەدا چونکە پەیوەندی هەیە بە چالاکیەکانی کۆمەڵگەوە لە ناوچە جیاوازەکانی عێراقدا. زاراوەی "چارەسەری ناوخۆیی" بووە کارێك، تیمی خزمەتگوزاری کۆمەڵگەشمان یارمەتیدەر بوو لە دۆزینەوەی پێنج چارەسەری ناوخۆییدا کە پەیوەندیان هەیە بە پەتاکەوە: ئامێری هەواگۆڕکێی جوڵاو، رۆبۆتی کۆنترۆلکراو بۆ خزمەتگوزاریە پزیشکیەکان، سەکۆی بەخشینیIQ  بۆ بەخشینی پلازمای خوێنی چاکبۆوە، سابونی یاری بۆ منداڵان، ئامێری ئۆتۆماتیکی دەست شوشتن.

ڕێبازی سێ: نوسینگەی گشتی بەرنامەی نەتەوە یەكگرتووەكان بۆ پەرەپێدان

بۆ ڕەنگدانەوەی میکانیزمەکەمان بۆ دۆزینەوەی چارەسەر لە پڕۆژە هەبووەکانی بەرنامەی نەتەوە یەكگرتووەكان بۆ پەرەپێدان، ئێمە دڵنیابووینەوە لە بەشداریپێکردنی نوسینگەی گشتیی لە کاری تاقیگەی خێراكردندا بۆ بەدەستهێنانی کاریگەریی لەناو نوسینگەی گشتیی بەرنامەی نەتەوە یەكگرتووەكان بۆ پەرەپێدان عێراق، وە زانیارییان پێبدەین دەربارەی بەرەوپێشچوونمان و پشتیوانی دابین بکەین لەکاتی پێویستدا.

یەك لایەنی باشەی سەرەکی لە کارکردن لەگەڵ نوسینگەی گشتیدا بریتیە لە ئامادەیی هاوپیشەکانمان بۆ دەستنیشانکردن و پێشکەشکردنی چوار چارەسەری ناوخۆیی پەیوەندیدار بەم پەتایەوە کە بریتی بوون لە بەستەری ڕووپۆشی سێ ڕەهەندی، ئامێری هەواگۆڕكێ لەلایەن زانکۆی بەسڕەوە، پاکژکاری دەست لەلایەن زانکۆی کەربەلاوە، وە کامێرەی زیرەك.

لە دەرەنجامدا، تیمی تاقیگەی خێراكردن زمانی بەکارهێناوە بۆ کاریگەری کردنە سەر بەرژەوەندیداران بە ڕەچاوکردنی ڕێبازەکانی کارکردن و لەخۆگرتنی تەکنۆلۆژیای پەیوەندیگرتنی دووربەدوور. لە ئێستا زیاد لە هەموو کاتێکی تر گفتوگۆ کراوەکانی ئینتەرنێت کە ئاستەنگیەکانی ڕۆژانە دەخاتە ڕوو کە ولاتەکە دووچاری بۆتەوە لەکاتی بڵاوبوونەوەی پەتای ڤایرۆسی کۆرۆنادا بۆتە لایەنی سەرەکی حکومەت بۆ بڕیاردان. ئەم گۆڕانکاریە بە شێوەیەکی نیمچەیی بەهۆی گفتوگۆکانی تاقیگەی خێراكردنەوە بووە لەسەر لەخۆگرتنی چارەسەرە ناوخۆییەکان و بنیادنانی هاوبەشی لەچواردەوریان بەبوونی حکومەت و بەرژەوەندیدارە پەیوەندیدارەکان. وشە و هاشتاگە بڵاوکراوەکان میتۆدی چالاکی ئێمەن بۆ چارەسەرە ئینتەرنێتیەکەمان بۆ دۆزینەوەی چارەسەرە ناوخۆییەکان. ئێمە چاودێریی ئەوەمان کرد کاتێك کاری داهێنەرەکانمان خستەبەرچاو لەسەر کەناڵەکانی تۆڕی کۆمەڵایەتی، بووە هۆی دەرکەوتنی شێوازی داهێنانی نوێ کە کاریگەری دەکاتە سەر کاری داهێنەرانی تر. هەر لە باسی دەرکەوتنی شێوازەکاندا، تاقیگەی خێراكردن بووە هۆی گەشەکردنی شێوازی داهێنان بە شێوەیەکی خێراتر لە نوسینگەی گشتی بەرنامەی نەتەوە یەكگرتووەكان بۆ پەرەپێدان کە کاری زیاتر دەکەین بۆ ئەوەی پڕۆژە بە شێوەی باشتر دابنێین بەپێی پێویستیەکان کۆمەڵگە.

لە کۆتاییدا 16 چارەسەری ناوخۆییمان دۆزیەوە لەڕێی بەکارهێنانی هێزی وشە و پەیوەندیەكانەوە. کاری دواترمان بریتیە لە بەکارهێنانی هێزی خستنە بەرچاو بۆ دۆزینەوەی شێوازی دواتری چارەسەرە ناوخۆییەکان.