بەغدا، 30 تەمموز 2020 - دیزاینکردنی بەرنامەی گونجێنەر و برەودان بە ڕۆڵی ژنان لە کاری پۆلیس و کارپێکردنی تەداخولە نێودەوڵەتیەکان هەندێك بوون لە پێشنیارە سەرەکیەکانی بەرنامەی نەتەوە یەکگرتووەکان بۆ پەرەپێدان لە هەڵسەنگاندنی ئەم دواییەی ململانێدا لەسەر کاری پۆلیسی ناوخۆیی لە عێراقدا.

هەڵسەنگاندنی ململانێ بۆ پشتیوانی هەوڵەکانی باشترکردنی کاری پۆلیسی ناوخۆیی لە عێراقدا پێشنیارە سەرەکیەکان دەخاتە ڕوو بۆ کەمکردنەوەی هاندەرەکانی ململانێ و برەودان بە هێزەکانی ئاشتی بە جەختکردنەوە سەر دوو پارێزگای عێراق کە ئەنبار و نەینەوان.

ئەمە ڕێبازە جیاوازەکان دەخاتە بەرچاو بۆ خستنەڕووی هاندەرەکانی ململانێ و ناسەقامگیری و پێشنیارەکان دادەنێت بۆ داڕشتنی بەرنامەکانی کاری پۆلیسی ناوخۆیی پتەو و بەردەوام لە عێراقدا.

زێنە عەلی ئەحمەد، نوێنەری نیشتەجێی بەرنامەی نەتەوە یەکگرتووەکان بۆ پەرەپێدان لە عێراق دەڵێت:" پۆلیسی ناوخۆ ڕۆڵێکی گرنگ دەگێڕێت لە دامەزراندن و پێكهێنانی ئاشتی لە عێراقدا، بەتایبەتی لە ساڵانی پاش ململانێی داعشەوە."

هەروەها وتیشی:"هیوادارین ئەم هەڵسەنگاندنە ئامڕازێکی بەسوود بێت بۆ هاوبەشانی نێودەوڵەتی و بڕیاردەرانی ناوخۆیی بۆ داڕشتنی بەرنامەکانی کاری پۆلیسی ناوخۆیی پتەو و بەردەوام کە رەنگدەرەوەی خەمەکانی کۆمەڵگە بێت و برەوپێدەری زیاتری ئاشتی و دادوەری بێت لە عێراقدا. لە ئەنجامدانی ئەم کارەدا، گرنگە ڕۆڵی ژنان زیاد بکرێت و برەوی پێبدرێت لە کاری پۆلیسیدا و گەشتنی ژنان و کچان باشتر بکرێت بە خزمەتگوزاریەکانی پۆلیسی ناوخۆدا."

هەڵسەنگاندنی ململانێ پەرەیپێدرا لەژێر بەرنامەی چاکسازی کەرتی ئاسایش و سەروەری یاسا سەر بە بەرنامەی نەتەوە یەکگرتووەکان بۆ پەرەپێدان عێراق بە بەخشینێکی باشی حکومەتی هۆڵەنداوە.

ئەم ئەنجامی هەڵسەنگاندنانە بەردەستن بە زمانەکانی ئینگلیزی و عەرەبی لە ئینتەرنێتدا.

بۆ زانیاری زیاتر، تكایە پەیوەندی بكەن بە:

فەی داوود، ڕاوێژكاری ڕاگەیاندن و پەیوەندیەكان