بنیاتنانی ئاشتیی تەواو نابێت بەبێ لەبەرچاوگرتنی کاریگەرییەکان لەسەر تەندروستیی دەروونیی، لەبەر ئەوەی ئەو زامانەی کە خەڵکیی دووچاریان بوون لە ململانێیەكاندا، کاریگەرییەکی بەردەوامیان هەیە لەسەر هەستکردنمان ڕووەو کۆمەڵگا و دەکرێت ببنە هۆی درێژە پێدانی تەووژمی نائومێدیی و توندوتیژیی. 

پڕۆژەی بەرنامەی نەتەوە یەكگرتووەكان بۆ پەرەپێدان لە عێراق تایبەت بە ئاشتەوایی و یەکخستنەوەی كۆمەڵگا، بە كۆمەكی دارایی لەلایەن حکومەتی ژاپۆنەوە، کاردەکات لەسەر هاندانی یەکخستنەوەی 4,000 خێزان لە چوار ناوچەی پارێزگاکانی ئەنبار ونەینەوا وسەڵاحەدین لە ڕێی پاکێجێکی تەواو لە پشتیوانیی بژێویی ونۆژەنکردنەوەی خانووبەرە وتەندروستیی دەروونیی وپشتگیریی دەروونیی وکۆمەڵایەتیی بۆ ئەو گەڕاوانەی پێشتر ئاوارە بوون وئەندامانی جڤاکە خۆجێییەکان. 

تا ئێستا چوار دانیشتن لە حەببانییە وقائیم لە پارێزگای ئەنبار وموحەلەبییە لە پارێزگای نەینەوا وتوزخورماتوو لە پارێزگای سەڵاحەدین لە 3ی ئابی 2022 دا ئەنجامدراوە، بۆ تاوتوێکردنی خزمەتگوزارییەکانی تەندروستیی دەروونیی وپشتگیریی دەروونیی وکۆمەڵایەتیی کە فەراهەمکراون بۆ گەڕاوەکان، لەنێویاندا ئەو خێزانانەی کە والێیان دەڕوانرێت پەیوەندییان بە داعشەوە هەبووە وئەندامانی جڤاکە خۆجێییەکان. خزمەتگوزارییەکان لە ڕێی هاوبەشەکەمانەوە رێكخراوی مێرسی هاندەوە فەراهەمکراون، وبریتین لە دیدارەکانی ناساندن ودانیشتنە میدیاییەکان وخزمەتگوزارییە ڕاوێژکارییەکان وخزمەتگوزارییە تایبەتمەندەکانی پەیوەست بە توندوتیژیی سێکسیی وتوندوتیژیی لەسەر بنەمای ڕەگەزیی.