"دایکێکی خۆیندەوار خۆی لەخۆیدا قوتابخانەیە."

- حەسەن عەبدوڵا عەلی، 41 ساڵ، راوێژکاری پارێزگاری بەسرە و سەرۆكی لیژنەی بەرەنگاربوونەوەی توندڕەویی و توندوتیژیی.

یەکێک لە گرنگترین هۆکارەکان کە یارمەتیدەرە بۆ ڕێگریکردن لە توندڕەوی و توندوتیژیی، بریتیە لە بەشداری هەمەلایەنەی ژنانە لەم بوارەدا، بۆیە پێویستە ئافرەتان بەشێوەكی دروست زانیاری پێوستیان پێبدرێت بۆ بەرەنگاربوونەوە و رێگرتن لە ئایدۆلۆجیای توندڕەو، ئەمەش دەتوانێت بەشداری بکات لە هاندانی پێکەوە ژیانی ئاشتیانە لە نێوان کۆمەڵگەکان لە ئێستادا و بۆ نەوەکانی داهاتوو. بەرنامەی نەتەوە یەکگرتووەکان بۆ پەرەپێدان لە عێراق کاردەکات بۆ تیشک خستنە سەر ڕۆڵی ژنان و هەوڵدەدات بۆ بەهێزکردنیان لە بواری نەهێشتنی توندڕەوی و توندوتیژيدا. لە ڕۆژانی 11-12 تشرینی یەکەمدا، بەرنامەی نەتەوە یەکگرتووەکان بۆ پەرەپێدان لە عێراق و رێكخراوی تۆڕی نێودەوڵەتیی بۆ كارەكانی کۆمەڵگەی مەدەنی (ئايكان) وۆرک شۆپێکی دوو ڕۆژەیان لە هەولێر ئەنجامدا لەبارەی ڕێبازی وەڵامدەرەوەی جێندەر وچۆنیەتی ڕێگریکردن لە توندڕەوی و توندوتیژیی لە عێراقدا.

نزیکەی سی کەس، لە رێکخراوەکانی کۆمەڵی مەدەنی لە سەرانسەری عێراق، لەگەڵ ئەندامانی فەرمانگەی توانادارکردنی ئافرەتان و دامەزراوە پەیوەندارەکانی حکومەت و نوێنەرانی پارێزگاکانی بەسرە، دیالە و زیقار، بەشدارییان کرد لە گفتوگۆکان لەسەر ڕۆڵی جێندەر لە ئایدۆلۆجیاکانی توندڕەویی توندوتیژ و تەجنید، ئەمە لە دۆخی عێراقدا چۆنە و نەخشەکێشانی بەشداریی، کاردانەوە و کەلێنەکانی کۆمەڵی مەدەنیی لەم دۆخەدا.