یەکسانی ڕەگەزی وەکو بناغەیەكە بۆ کۆمەڵگای ئاشتیخواز و گشتگیر. لە ڕۆژەکانی 7-9 و 11-13 ی مانگی تشرینی دووهەمدا، بەرنامەی نەتەوە یەکگرتووەکان بۆ پەرەپێدان لە عێراق بە هاوبەشی لەگەڵ ئەکادیمیای فۆڵک بێرنادۆتدا دوو ڕاهێنانى سێ ڕۆژەیان لەسەر گشتاندنی یەکسانی ڕەگەزی لە نێو دیزاینى چالاکییەکانی پێکەوەژیانی کۆمەڵایەتی بۆ سەرکردەکانی کۆمەڵگاکانی پارێزگاکانی ئەنبار و نەینەوا و سەڵاحەیدن و لیژنەکانی ئاشتی و گفتوگۆی کۆمەڵگا لە دیالە و کەرکوکدا سازکرد.

بەرنامەی نەتەوە یەکگرتووەکان بۆ پەرەپێدان لە عێراق، بە هاوبەشی لەگەڵ لیژنەی گفتوگۆ و ئاشتی کۆمەڵایەتى، پشتیوانی لە 28 لیژنەی ئاشتی و گفتوگۆی کۆمەڵایەتى دەکات لە پێنج پارێزگادا کە ئەندامەکانیان لە نزیکەوە کاریان لەگەڵ کۆمەڵگاکانی خۆیاندا دەکرد بۆ برەودان بە ئاشتی و پلاندانان بۆ چالاکییەکان. وۆرکشۆپەکە گفتوگۆی لەسەر گرنگی یەکخستنی ڕەچاوکردنی ڕەگەزدە کرد بۆناو چالاکییەکانی کۆمەڵگا بەمەبەستى هاندانی ئافرەتان تا بەشداری بکەن و کارلێکیان هەبێت.