Parij kelishuvi boʻyicha oʻz zimmasiga olgan majburiyatlarni bajarish uchun Oʻzbekiston iqtisodiyotning barcha tarmoqlarida yoqilgʻi- energiyani tejash, ishlab chiqarish quvvatlari va energiya koʻp iste'mol qiluvchi tarmoqlarni modernizatsiya va yangilashga, elektr tarmoqlarida yo‘qotishlarni kamaytirish, qurilishda energiya tejovchi texnologiyalarni qo‘llash, qayta tiklanuvchi energiya manbalaridan (quyosh energiyasi, quyosh kollektorlari, kichik gidroelektr stansiyalar, biogaz qurilmalari, shamol turbinalari va boshqalar) foydalanishni keng ko‘lamda oshirish, qattiq maishiy chiqindilarni boshqarish tizimini takomillashtirish va boshqalarga qaratilgan chora-tadbirlarni amalga oshirishni nazarda tutuvchi bir qator qonun hujjatlarini qabul qildi.

“Seminar men va hamkasblarim uchun foydali boʻldi, chunki biz Energetika vazirligi tomonidan atmosferaga issiqxona gazlari chiqindilarini kamaytirish boʻyicha amalga oshirilayotgan chora-tadbirlarning yakuniy global maqsadi haqida koʻproq maʼlumotga ega boʻldik. Oʻzbekiston oʻz oldiga ulkan maqsadni qoʻygan va uni mamlakatni barqaror va yashil yo‘l bilan rivojlantirish hamda atrof-muhitni asrash maqsadida bajarish mumkin va darkor”, — dedi O‘zbekiston Energetika vazirligining qayta tiklanadigan energiya manbalari bo‘yicha bosh mutaxassisi Umidbek Narzulaev.

Bu mintaqadagi mamlakatlarning iqlim o'zgarishi bo'yicha yanada ulug'vor choralar ko'rishga tayyorligini oshirish va milliy va mintaqaviy darajada barqarorlikni oshirishga qaratilgan seminar Buyuk Britaniya Tashqi ishlar va taraqqiyot vazirligi (FCDO) moliyaviy ko‘magida O‘zbekiston Respublikasi Gidrometeorologiya xizmatlari markazi (O‘zgidromet) bilan hamkorlikda amalga oshirilayotgan BMTTDning “Markaziy Osiyoda iqlim xavfsizligi bo‘yicha siyosat harakatlar – II bosqich” loyihasi doirasida bo‘lib o‘tdi.