მიმოხილვა

გაეროს განვითარების პროგრამა (UNDP) და გლობალური გარემოსდაცვითი ფონდი (GEF) ხელს უწყობენ საქართველოს მთავრობას ქვეყნის მეხუთე ეროვნული შეტყობინებისა და პირველი ორწლიური გამჭვირვალობის ანგარიშის მომზადებაში, რომელსაც საქართველო გაეროს კლიმატის ცვლილების ჩარჩო კონვენციისადმი (UNFCCC) წარადგენს.

საქართველოს პირველი ორწლიური გამჭვირვალობის ანგარიში და მეხუთე ეროვნული შეტყობინება ეფუძნება წინა წლებში მომზადებული ეროვნული შეტყობინებებისა და ორწლიური განახლებული ანგარიშების მიგნებებსა და რეკომენდაციებს, საერთაშორისო კონსულტაციების და ანალიზის (ICA) პროცესისა და ქვეყანაში მიმდინარე სხვა პროექტების შედეგებს.

მეხუთე ეროვნული შეტყობინებისა და პირველი ორწლიური გამჭვირვალობის კომბინირებული ანგარიში UNFCCC-ის სამდივნოს 2024 წლის 31 დეკემბრამდე წარედგინება.

რას ვაკეთებთ

საქართველოს მთავრობასთან თანამშრომლობით, ჩვენ მხარს ვუჭერთ კლიმატის ცვლილების ინტეგრირებას განვითარების სტრატეგიებსა და პროგრამებში, ნახშირბადნეიტრალური და კლიმატისადმი მედეგი საზოგადოების მშენებლობის გზაზე.  

პროექტს ახორციელებს საქართველოს გარემოს დაცვისა და სოფლის მეურნეობის სამინისტროს გარემოსდაცვითი ინფორმაციისა და განათლების ცენტრი.

მოსალოდნელი შედეგები

• განახლებული ინფორმაცია ეროვნული გარემოებებისა და ინსტიტუციური მოწყობის შესახებ
• ეროვნული შესაძლებლობების გაძლიერება სათბურის აირების ეროვნული ინვენტარიზაციის ანგარიშის მომზადებისა და მართვისთვის
• განახლებული ინფორმაცია შესაბამისი ფინანსური, ტექნოლოგიების შემუშავებისა და გადაცემის, ასევე შესაძლებლობების განვითარებისთვის საჭირო და მიღებული მხარდაჭერის შესახებ
• განახლებული ინფორმაცია ეროვნულ დონეზე განსაზღვრული წვლილის (NDC) განხორციელებისა და მიღწევების პროგრესის მონიტორინგისთვის
• კლიმატის ცვლილების ზემოქმედების განახლებული შეფასება და ადაპტაციის ღონისძიებების ანგარიში
• მეხუთე ეროვნული შეტყობინება და პირველი ორწლიური გამჭვირვალობის ანგარიში