2018 წლიდან, ჩეხეთის გამოწვევების ფონდის მხარდაჭერით საქართველოში ოცდაოთხი ინოვაციური პროექტი განხორციელდა. მათ შორის:

• ფსიქიკურ ჯანდაცვაში ახალი მიდგომების დანერგვა.

ამ ინოვაციური მიდგომის მეშვეობით, ფსიქიკური დარღვევის მკურნალობის პირადი გამოცდილების მქონე ადამიანებს შეუძლიათ ჩაერთონ  ფსიქიატრიული პაციენტების მკურნალობაში და მხარდაჭერა გაუწიონ მათ. პროექტში ჩართულია ჩეხური არასამთავრობო ორგანიზაცია „ფსიქიკური ჯანმრთელობის განვითარების ცენტრი“ და ქართული არასამთავრობო ორგანიზაცია „პარტნიორობა თანაბარი უფლებებისთვის“.

• საგზაო ზედამხედველობა ხელოვნური ინტელექტის დახმარებით.

ჩეხური კომპანია „Vision Craft“ ადგილობრივ პარტნიორთან შპს „GlobalPort“-თან ერთად ახორციელებს საპილოტე პროექტს, რომელიც მოძრაობის სენსორების საშუალებით რეალურ დროში აგროვებს მონაცემებს საჯარო უწყებების საკუთრებაში არსებული მანქანებიდან. ამ ინოვაციური ტექნოლოგიის გამოყენებით, შესაძლებელია გზის სავალი ნაწილის დაზიანებების აღმოჩენა და ინფორმაცის გადაგზავნა შესაბამის უწყებებში.

დასრულებულ პროექტებს შორის აღსანიშნავია:

• აივ ინფექციის თვით-ტესტირება: საპილოტე ინიციატივამ ხელი შეუწყო საქართველოში აივ ინფექციაზე პრევენციული თვით-ტესტირების განვითარებას. პროექტი განახორციელა ჩეხეთის კარიტასმა  CRRC-საქართველოსთან პარტნიორობით.

• თემების განვითარება და საზოგადოების ჩართულობა: ამბროლაურისა და ტყიბულის მუნიციპალიტეტებში, ჩეხურმა არასამთავრობო ორგანიზაციამ ‘Nesehnuti Brno’ და ქართულმა არასამთავრობო ორგანიზაციამ „აბხაზინტერკონტი“ ჩამოაყალიბეს დიალოგისა და თანამშრომლობის პლატფორმა სათემო ორგანიზაციებისა და ადგილობრივი თვითმმართველობისთვის, რამაც ხელი შეუწყო მოქალაქეთა უფრო აქტიურ ჩართულობას გადაწყვეტილების მიღების პროცესში.

• ენერგო-ეფექტური ღუმელი:  ჩეხურმა ორგანიზაციამ „AGORA CE“ და „მცხეთა-მთიანეთის რეგიონული განვითარების სააგენტომ“ ერთად შექმნეს ენერგო-ეფექტური ღუმელი, რომელიც საქართველოსთვის ტრადიციულ დიზაინს ევროპულ ტექნოლოგიებთან აერთიანებს.

###

პროექტების სრული ჩამონათვალი ხელმისაწვდომია ვებგვერდზე: undp.cz

###

ჩეხეთისა და UNDP-ის პარტნიორობა მდგრადი განვითარების მიზნების მისაღწევად ხელს უწყობს განვითარების პროექტებს ექვს პარტნიორ ქვეყანაში - ბოსნია-ჰერცეგოვინაში, ეთიოპიაში, ზამბიაში, კამბოჯაში, მოლდოვასა და საქართველოში. პროექტების ფინანსური მხარდამჭერია ჩეხეთის რესპუბლიკის საგარეო საქმეთა სამინისტრო. საქართველოში ჩეხეთის გამოწვევის ფონდის ხელშეწყობით 24 პროექტი განხორციელდა.

###

დამატებითი ინფორმაციისთვის დაუკავშირდით პაველ ფაუსს, ჩეხეთის გამოწვევის ფონდის პროექტის სპეციალისტს, pavel.faus@undp.org