ანგარიშში წარმოდგენილია საქართველოში კატასტროფის რისკის შემცირებასთან დაკავშირებული შესაძლებლობების სიღრმისეული ანალიზი, რომელიც ეფუძნება „კატასტროფის რისკის შემცირების შესაძლებლობების ინიციატივის“ (CADRI) გაეროს წევრი ორგანიზაციების მიერ შემუშავებულ მეთოდოლოგიას. შეფასებაში წარმოდგენილი დასკვნები აგებულია ჰიოგოს სამოქმედო ჩარჩო-პროგრამაში (HFA) განსაზღვრული მოქმედებების ხუთი პრიორიტეტული მიმართულების მიხედვით: კატასტროფის რისკის შემცირება, როგორც ეროვნული და ადგილობრივი პრიორიტეტი; რისკების იდენტიფიცირება, შეფასება, მონიტორინგი და ადრეული შეტყობინების სისტემის ჩამოყალიბება; ცოდნის, ინოვაციური მიდგომებისა და ცნობიერების ამაღლება; რისკის განმსაზღვრელი ფაქტორების შემცირება; კატასტროფისათვის მზადების ძლიერი სისტემა და ეფექტური რეაგირება.