بەرنامەی هەستانەوە و بەدەنگەوەچوونی قەیران

پوختەی پڕۆژە

لە ئازادبوونیەوە لە دەستى داعش، جەختی عێراق چووەتە سەر گەشەپێدان و پەرەپێدانی پاش جەنگ و ململانێ. بەرنامەی بەدەمەوەچوونى قەیران و خۆڕاگرى عێراق بۆ پشتیوانیکردنی چاکبوونەوەی ئابوری لەڕێی بنیادنانی کارامەیی و توانستی کرێکاران و فەرمانبەرانی حکومەت دیزاینکراوە. بە کارکردن لەسەر سەرکەوتنی چەند ساڵەی بەردەوام، بەرنامەی بەدەمەوەچوونى قەیران و خۆڕاگرى عێراق گرنگیی ڕێچکەیەکی گشتگیر و یەکخراو و بزواو لەلایەن کۆمەڵگاوە پیشان دەدات بۆ ئامادەکردنی عێراق بۆ چاکبوونەوەیەکی تەواو و ڕێگریکردن لە خراپتربونی زیاتری دۆخی پاش جەنگ و بنیادنانەوەی ژیانی خەلکی.

هەوڵەکانی بەرنامەی بەدەمەوەچوونى قەیران و خۆڕاگرى عێراق بۆ چاکبونەوەی ئابوریی کە زۆر گرنگە بۆ ڕێسای فراوانتری بەرنامەی نەتەوە یەكگرتووەكان بۆ پەرەپێدان لە عێراق، بە شێوەیەک دیزاینکراون کە بەدەم پێویستییە هەنووکەیى و ماوە درێژەکانی وڵاتەکەوە بچن. ئەمەش لەڕێگەى کۆمەڵێک چاڵاکى وەک ڕاهێنانی کارامەیی و خستنەسەرکاری ماوە کورت و شیاندنەوەی خزمەتگوزارییە بنەڕەتییەکان و گشتاندنی چالاکییەکانی پێکەوەژیانی کۆمەڵایەتییەوە بەدەستهاتووە بەمەبەستی کەمکردنەوەی سەرهەڵدانەوەی ململانێ و تەنگەژەی کۆمەڵایەتی.بەرنامەی نەتەوە یەكگرتووەكان بۆ پەرەپێدان لەڕێی بەرنامەی بەدەمەوەچوونى قەیران و خۆڕاگرى عێراقەوە پشتیوانی لە هەوڵەکانی چاکبونەوەی بژێوی و ئابوری ناوخۆ دەکات کە ئامانجیان ئەمانەی لای خوارەوەیە:

1. دابینکردنی دەرفەتەکانی بژێویی دەستبەجێ بۆ ئاوارەنێوخۆییەکان، بەتایبەتی بۆ ئەوانەی دووچاری ئاوارەبوونی ماوەدرێژ و لاوەکی بوونەتەوە، لەڕێگەی کار بەرامبەر پارە و بەخشینی پارەی کەم بە کارسازە بچووکەکانەوە
2. ئاسانکاری لە گەڕانەوەی ئاوارەنێوخۆییەکاندا بە دابینکردنی دەرفەتەکانی داهاتی بەردەوام بۆ خەلکانی گەڕاوە لە ناوچەکانی خۆیان، بە پەرەپێدانی کاری بچوك و پەرەپێدانى زنجیرەیى و خستنەسەرکار و/یان ڕاهێنان لەسەر کار.
3. دابینکردنی دەرفەتی خستنەوەى داهاتی ماوە درێژ بۆ سووریە گەڕاوەکان لەڕێگەی خستنەسەرکارى بەردەوام کە دەبێتە هۆی بەهێزکردنی ئەگەری خستنەسەرکاریان لە داهاتوودا.
4. پشتیوانیکردنی خەلکانی هەرە دۆخناسك لە کۆمەلگا نێوخۆییەکاندا، بە تایبەتی هەرە دۆخناسکەکان ئاسایشی کۆمەڵایەتی بنەرەتیان بۆ دابینکراوە لەلایەن حکومەتەوە، یان ژنان و لاوان و بەتەمەنەکان کە خاوەن خێزانن، لەڕێی دەرفەتی خستنەوەى داهاتەوە.
5. بەهێزکردن و باشترکردنی توانستی کۆمەڵانی حکومەت و خاوەنکاران بۆ خستنەڕووی پێویستیەکانی بژێوی دانیشتوانی ژینگەی پاش جەنگ و ململانێ.