هۆشیاركردنەوە گرنگە بۆ كەمكردنەوەی ئەو زانیارییە ناڕاستانەی پەیوەستن بە یەکخستنەوە لەوناوچانەی عێراق كە خێزانە ئاوارەكان دەگەڕێنەوە بۆیان. لە ئێستادا پڕۆژەی ئاشتبوونەوەی جڤاکیی ویەکخستنەوەی تایبەت بە بەرنامەی نەتەوە یەکگرتووەکان بۆ پەرەپێدان لە عێراق، بە کۆمەکی دارایی حكومەتی ژاپۆن ، جێبەجێ‌ دەکرێت بۆ هاندانی یەکخستنەوەی 4,000 خێزان لە چوار ناوچە لە پارێزگاكانی ئەنبارو نەینەواو سەڵاحەدین بەدابینكردنی پاكێجێكی گشتگیر لە هاریكاریی بژێویی ونۆژەنكردنەوەی خانوو وبەرەکان وپشتگیریی تەندروستیی هزریی ودەروونیی كۆمەڵایەتیی بۆ ئاوارە گەڕاوەكان وئەندامانی جڤاكەکان.

لەو چوارچێوەیەدا و پاش ئەوەی یەکەم دیدار كە لە 31 ئادار لە حەبانییە سازکرا وەك بەشێك لە زنجیرەیەك دیداری جڤاکیی، لە 11 ئایارى 2022 دا لە قائیم، ئەنبار دیداری دووەم بۆ زیاتر لە 65 بەشدار بوو سازكرا بۆ بەرزکردنەوەی ئاستی هۆشیاریی لە نێو جڤاکەکەدا وهاندانی ئاشتبوونەوە وقبوڵكردن لەنێوان خێزانە ئاوارە گەڕاوەكان وجڤاکی ئەو ناوچانەی بۆیان دەگەڕێنەوە. ئەو دیدارە جڤاکییانە بایەخێکی زۆریان هەیە بۆ دەستەبەركردنی هاوبەشیی پێکردنی زانیاریی سەبارەت بەو پڕۆژانەی كە لە چوار ناوچەکەدا جێبەجێ دەکرێن وکەمکردنەوەی هەر لەکەدارکردنێك کە پەیوەندیی هەیە بە خێزانە ئاوارە گەڕاوەكان و ڕوونکردنەوەی ئەو ڕاستییەی  كە پڕۆژەكان هەر بە تەنیا بۆ گەڕاوەكان بەسوود نیین بەڵكو بۆ ئەو کەسانەش کە ئێستا لە جڤاکەکاندان.