بۆ ئاهەنگگێران بەبۆنەى ڕۆژی جیهانی دایكان لە وڵاتە عەرەبیەكاندا، پرسیارمان لە فەرمانبەرانی بەرنامەی نەتەوە یەكگرتووەكان بۆ پەرەپێدان كرد لە عێراق دەربارەی باشترین ئامۆژگاری كە لەلایەن دایكانەوە وەریان گرتووە – یان چ ئامۆژگاریەكی منداڵەكانیان كردووە.

رۆژی جیهانی دایكانتان پیرۆز بێت.

دیە و كچەكانی، نۆف و حەیات، ئوردن

پرسیارم لە كچەكانم كرد كە باشترین ئامۆژگاری چیبووە كە پێم داون. كچە گەورەكەم، نۆف، گوتی:

پێت گوتم كە بەخشەر بم و بە بێ ئەوەی چاوەڕێ هیچ شتێك بكەم لەبەرامبەریدا! پاداشت لای خودای باڵادەستە

و كچە بچووکەكەم، حەیات، گوتی: دڵی شكاو چاك بكەرەوە و خۆشی لەشتە بچووكەكانی ژیان وەربگرە.

مازن لە گێڕانەوەى گوتەکانى دایکیدا، لوبنان

باشترین ئامۆژگاری كە دایكم پێشكەشی كردووەم بریتی بووە لەو گوتەیەك كە حەزرەتی مەسیح گوتویەتی:

"هەروەك ئەوەی خۆشم دەوێن، ئێوەش بەهەمان شێوە یەكتریتان خۆش بوێ و لە یەكتری ببورن وەكو ئەوەی كە چۆن خودا لە ئێوە دەبورێت."

زۆر سوپاسی ئەو بیرۆكە جوانە دەكەم.

مریەم و دایكی، كەنەدا

زۆربەی کات دایكم دەڵێت، " لە خۆت دڵنیابە، پێش ئەوەی خۆت وێران بكەیت

ئەمەیان ئەو ڕێگایەیە كە گرتوویەتیە بەر بۆ ئەوەی بتوانین وێنە گەورەكە ببینین.

ئەو پێمان دەڵێت (بە منداڵەكانی ) كە جەخت بخەینەسەر شتە گرنگەكان و كێشە بچووكەكان پشت گوێ بخەین كە لە كۆتاییدا شتێكی گرنگ نین.

شەزا و كچەكەی، حەنین، عێراق

دايكم ئامۆژگاریمان ناكات بەڵكو فەرمانمان پێدەکات و

پێویستە ئێمەش پابەندبین پێیانەوە!

ئەوەى سەیرە بەلای منەوە ئەوەیە كە ڕاستە من تەمەنم پەنجا ساڵانە و ئافرەتێكم لەڕووی داراییەوە سەربەخۆم، كاتێك شتێك بۆ دایكم دەكڕم چارەكی نرخە ڕاستەقینەکەی پێدڵێم و ئەویش هەمیشە پێم دەڵێت ئۆۆۆ، زۆر گرانە! " كاتێكیش پرسیارم لە كچەكەم، حەنین، كرد كە باشترین ئامۆژگاری چی بووە كە پێم گووتوە، گوتی: “دایكم ئافرەتێكە کردارى هەیە نەک گوتە”!

فای و دایكی جارمین، ئوستوڕالیا

وەكو هەموو دایكێكی باش لە عێراقدا، باشترین ئامۆژگاری دایكم بریتی بووە لەوەى كە " هەرگیز بێ خواردن نەبیت!! "

سوها و دایكی خەولە، سوریا

باشترين ئامۆژگاری دایكم بۆ من: "بڕوات بە خۆت بێت، بڕوا بە خەونەكانت بكە، بە دەم هەستەكانتەوە بڕۆ و مەهێلە هیچ كەسێك جۆش و خرۆشى ناخت دابمرکێنێتەوە."