لە کۆتایی چارەکی دووهەمی ساڵی 2017 دا، دامەزراوەی کۆمەککردن بۆ سەقامگیرکردن (FFS) کارەکانی خۆی فراوانکرد و زیاتر لە 1000 پڕۆژەش لە بواری جێبەجێکردندایە کە پشتیوانی حکومەتی عێراق دەکات لە هەوڵەکانیدا بۆ سەقامگیرکردنی 23 ناوچەی نوێی ئازادکراو. ئەم ڕاپۆرتە بەرەوپێشچوونەکانی (FFS) پیشان دەدات لە بەرواری 1 ی نیسانی 2017 تاوەکو 30 حوزەیرانی 2017 لە پارێزگاکانی نەینەوا و سەلاحەدین و ئەنبار و دیالە و کەرکوکدا.

ئەم ڕاپۆرتە چارەکە ساڵیە تەرکیزی لەسەر موسڵە، کە بەرەوپێشچوونی بەرچاو ئەنجامدراوە لە گەورەکردننی چالاکیەکاندا، ئەمە گەورەترین هەوڵی سەقامگیرکردنە تاوەکو ئەم ساتە. زیاتر لە 300 پڕۆژە لە بوای جێبەجێکردندان لە شارەکەدا، بە شیاندنەوەی ژێرخانی گرنگی ئاو و تەندروستی و دابینکردن و دامەزراندنی تۆڕی کارەبا و پشتیوانیکردن لە بوژاندنەوەی زانکۆی موسڵ، هەروەها دابینکردنی هەلی کار بۆ هەزاران کەس لە دانیشتوان.

فیچەرێکی تایبەت لەم ڕاپۆرتەدا تەرکیز دەکاتەوە سەر بەشداربوونی ژنان لە سەقامگیرکردندا، لایەنی گرنگ لە پڕۆژەکانی (FFS) دا وەدەست هاتووە. ئەم ڕاپۆرتە هەروەها هەواڵی نوێ دەداتە حکومەتی عێراق و 23 بەخشەرەکەی (FFS) بۆ بەردەوامبوونی بەرەوپێشچوون لە ناوچە ئازادکراوەکانی ئەنبار و سەلاحەدین و دیالە و کەرکوکدا. پشتوانیکردنی بەردەوامی ئەم ناوچانە دڵنیابوون دەدات لەوەی وەدەستهاتووەکانی سەقامگیرکردن لەدەست نەدراون و خەڵکانی گەڕاوەش هەست دەکەن دەتوانن لە ماڵوحالەکانی خۆیاندا بمێننەوە.

کاری (FFS) یارمەتیدەربووە لە دروستکردنی هەلومەرجی گەڕانەوەی زیاتر لە 2 ملیۆن هاوڵاتی عێراقی بۆ سەر ماڵوحاڵەکانیان. لە ساتی ئێستادا، زیاتر لە 3 ملیۆن هاوڵاتی عێراقی ئاوارەی ناوخۆن و بەردەوامبونی چالاکیەکانی (FFS) هێشتا لایەنێکی گرنگە بۆ سەقامگیرکردنی عێراق.