گۆڕانی کەشوهەوا بووەتە هەڕەشەی سەرەکی بۆ سەر گەشەسەندنی مرۆڤ، وخۆگونجاندن لەگەڵ گۆڕانی کەشوهەوا پێکهاتەیەکی سەرەکیە لە هەر پرۆسەیەکی پلاندانان و لە هەر کاتێکدا و لە هەموو ئاستەکاندا.  دەستەی پاراستن و چاککردنی ژینگە (EPIB)، بە هاوکاری لەگەڵ بەرنامەی نەتەوە یەکگرتووەکان بۆ پەرەپێدان (UNDP)، دەستپێشخەرییەکی دەستپێکرد بە ئامانجی داڕشتنی پلانی خۆگونجاندنی ناوخۆیی (LAP) بۆ بەرزکردنەوەی توانای خۆگونجاندن و خۆڕاگری ناوخۆیی لە هەرێمی کوردستان بۆ کەمکردنەوەی مەترسیەکانی کە بەهۆی کاریگەریی گۆڕانی کەش و هەواوە دروست دەبێت.

ئەم ڕاپۆرتە بەشێکە لە چالاکییەکانی هەرێم بۆ پابەندبوون بە ڕێککەوتنە نێودەوڵەتییە ژینگەییەکان. شیکردنەوەی سیناریۆ بنەڕەتییەکان و شیکردنەوەی سیناریۆی چاوەڕوانکراوی گۆڕانی کەشوهەوا و کاریگەرییەکانیان لەسەر کەرتە دیاریکراوەکان لە پارێزگاکانی هەرێمی کوردستانی عێراق لەخۆدەگرێت. ڕاپۆرتەکە هێڵکارییەک لە کارە پێویستەکان بۆ خوگونجاندن لەگەڵ گۆڕانی کەشوهەوا لە کوردستاندا دەخاتە ڕوو.