20-ноябрь, 2023-жыл / Бишкек – Кыргыз Республикасынын Экономика жана коммерция министрлиги жана “Курак” бейөкмөт уюму өнүктүрүү боюнча өнөктөштөр менен биргеликте “Өнөктөштүктүн жаңы аспектилери” деген темада Бүткүл Дүйнөлүк Аялдардын ишкердик күнүн белгилешти. Аялдардын Бүткүл дүйнөлүк ишкердик күнү 2014-жылдан бери БУУ тарабынан колдоого алынып, дүйнө жүзү боюнча ишкер аялдарды колдоо жана мүмкүнчүлүктөрүн кеңейтүү үчүн глобалдык демилге болуп саналат. Бул демилге 140тан ашык мамлекетти, анын ичинде Кыргызстанды да камтыйт. Бүткүл дүйнөлүк аялдардын ишкердик күнү быйыл дүйнө жүзү боюнча 10 жолу белгиленип жатат жана Кыргыз Республикасы бүткүл дүйнөлүк коомчулук менен аялдардын экономикалык активдүүлүгүнүн маанилүүлүгүнө өлкө катары берилгендигин тогузунчу жолу көрсөттү. 

Ачылыш сөзүндө Тышкы иштер министрлигинин Эл аралык уюмдар департаментинин директорунун орун басары Улан Данияров белгиледи: «Жыл сайын белгиленүүчү Бүткүл дүйнөлүк ишкердиктин күнү аялдардын бизнестеги маанилүү ролун эске салат. Бул ишкер аялдарды, алардын экономикага кошкон салымын жана ишкердикке креативдүү мамилесин баалап, колдоо көрсөтүү учуру».

Аялдардын ишкердигин өнүктүрүү - жакырчылыкты жеңүүнүн жана жамааттардын туруктуу социалдык-экономикалык өнүгүүсүнө көмөк көрсөтүүнүн эң натыйжалуу жолдорунун бири; Аялдардын ишкердиги ар дайым жана бардык жерде үй-бүлөнүн жашоо сапатын, балдардын ден соолугун жана билимин жогорулатууга көмөктөшөт жана жалпысынан аялдардын экономикалык мүмкүнчүлүктөрүн кеңейтүү экономикалык чөйрөнүн жакшырышына жана рыноктун өнүгүшүнө алып келет. 

Бүткүл дүйнөлүк ишкердик аялдар күнүнүн элчиси Айнура Сагынбаева белгилегендей, бүгүнкү күндө бизде планды реалдуу ишке ашыруу үчүн зарыл болгон нерселердин баары бар: “Кыргызстандын таланттуу аялдары эбегейсиз жаңычылдыгы жана бизнес-идеяларын кеңейтүү каалоосу менен жакшырат. Алардын үй-бүлөсүнүн, айыл-кыштактарынын, шаарларынын жана жалпысынан өлкөбүздүн жыргалчылыгын кеңейтүү болуп саналат. Биздин аялдардын колунан баары келет!” 

Бул атактуу күнгө арналган жыл сайын өткөрүлүүчү иш-чаралар Кыргыз Республикасында аялдардын ишкердигин колдоо жана аны 2026-жылга чейин ишке ашыруу боюнча мамлекеттик программаны илгерилетүүнүн бир бөлүгү болуп саналат. Адамзаттын өнүгүүсү боюнча акыркы баяндамага ылайык, аялдардын эмгекке катышуусу былтыркыдан 44,8%дан 42,1%га төмөндөдү жана эркектердики 71,7%га салыштырмалуу өтө төмөн бойдон калууда. 

«Аялдар өзгөрүүлөрдүн маанилүү элчилери жана ишкер аялдардын күчүн колдонуу туруктуу жана инклюзивдүү экономикалык жана социалдык калыбына келтирүү үчүн маанилүү болот. БУУнун Өнүктүрүү программасы Кыргызстандагы аялдардын социалдык-экономикалык мүмкүнчүлүктөрүн кеңейтүүгө өзгөчө көңүл бурат. Биздин программалар аялдар үчүн ишкердик же СТЕМ болобу, ар кандай чөйрөдө ийгиликтүү ишке ашыруу үчүн мүмкүнчүлүктөрдү түзөт. Акыркы үч жылда БУУнун Өнүктүрүү программасынын насаатчылык программалары аркылуу өлкө боюнча 3500дөн ашык ишкер аялдар колдоого алынып, айыл жергесиндеги аялдар үчүн 550дөн ашык жумуш орундары түзүлдү». – деди БУУнун Өнүктүрүү программасынын Кыргыз Республикасындагы Туруктуу өкүлү Александра Соловьева. 

Бул жылы Бүткүл дүйнөлүк ишкерликтин аялдар күнү демилгеси өнөктөштүктү өнүктүрүүнүн маанилүүлүгүнө көңүл буруп, Кыргызстандын бардык аймактарынан келген ишкер аялдардын кеңири чөйрөсүнүн катышуусунда өттү. 

Иш-чараны уюштуруу БУУнун Өнүктүрүү программасынын Кыргыз Республикасындагы “Соодага көмөк көрсөтүү” долбоорунун финансылык жана консалтингдик колдоосу менен, ЕРӨБ, MSDSP KG, Швейцария өкмөтү, Дүйнөлүк банк, USAID, USAIDAgrotrade, Кыргыз Республикасындагы Хельветас программалардын каржылык колдоосу менен мүмкүн болду.