Финансылык мүмкүнчүлүктөргө жетүү, айрыкча айыл жериндеги ишкер аялдар үчүн эң негизги тоскоолдуктардын бири бойдон калууда. Элдик банктын «Ишкер-Айым» кредиттик демилгеси, Айыл банктын «Айыл кредит» программасы жана башка каржылык инструменттер ишкер аялдар үчүн жеткиликтүү насыяларды камсыз кылууга көмөктөшүп жатат. Ошондой эле өкмөт эл аралык уюмдар менен өнөктөштүктө ишкер аялдарга бизнести туруктуу өнүктүрүү үчүн зарыл болгон көндүмдөрдү жана билимдерди алууга жардам берүү максатында насаатчылык программаларын ишке киргизди.

Айыл жеринде жашаган аялдар үчүн «Өкмөттүн тездеткичтери» программасы жана «Социалдык контракт» схемасы сыяктуу демилгелер активдүү колдоого алынып жатат. Биринчиси – мектепке чейинки билим берүү сыяктуу тармактардагы ченемдик-укуктук тоскоолдуктарды азайтууга багытталса (бул тармакта ишкерлердин 90%дан ашыгын аялдар түзөт), экинчиси – аз камсыз болгон үй-бүлөлөргө, өзгөчө аялдарга, жеке бизнесин ачууга финансылык гранттар жана окутуу мүмкүнчүлүктөрүн берүү максатын көздөйт. Бул чаралар аялдардын экономикалык көз карандысыздыгын гана бекемдебестен, региондордун экономикасын диверсификациялоого, туруктуу бизнес моделдерин өнүктүрүүгө жана ички миграцияны кыскартууга көмөктөшөт.

Эл аралык аялдар күнүндө БУУӨП коомго олуттуу салым кошкон аялдардын жетишкендиктерин белгилейт – алар климаттын өзгөрүүсүнө каршы күрөштөн тартып, адилеттүүлүктү жана ишкердикти камсыз кылууга чейинки ар кыл тармактарда. Гюльшат Асылбаева ишкер аялдар үчүн тоскоолдуктарды жоюу жана мүмкүнчүлүктөрдү кеңейтүү боюнча мамлекеттик стратегияларды жана программаларды иштеп чыгууга салым кошуп келет. Анын жетекчилигинин жана башка адистердин эмгегинин аркасында Кыргызстанда аялдардын экономикалык мүмкүнчүлүктөрүн кеңейтүү жеке ийгиликке гана эмес, жалпы коомдун туруктуу өнүгүүсүнө өбөлгө түзөөрү далилденип, инклюзивдүү экономикалык кадамдар жасалып жатат.