BMTTD ekspertlari ishtirokchilarga passiv isitish va sovutish tizimlariga ega binolarni loyihalashning afzalliklarini taqdim etdilar, ulardan foydalanish atmosferaga zararli issiqxona gazlari chiqindilarini ancha kamaytiradi. Bir kunlik o‘quv seminarlari davomida ishtirokchilar bino insolyasiyasini hisoblaydigan onlayn va offlayn dasturiy ta'minotlar bilan tanishdilar. Treninglarda, shuningdek, loyihalash va qurilish jarayonlarining sifatini oshirish va shaffofligini ta'minlashda BIM (Building Information Modeling – Binoni Ma'lumotli Modellashtirish) texnologiyalarining o‘rni alohida ta'kidlandi. BMTTD/GEF loyihasining yana bir muhim faoliyati – energiya tejamkor qurilish materiallari va texnologiyalarini sotib olish uchun ajratilgan yashil investisiyalarni moliyaviy qo‘llab-quvvatlash mexanizmi taqdim etildi. Tadbirlarda jami 250 ga yaqin mutaxassislar, professor-o‘qituvchilar va talabalar ishtirok etishdi.

Eslatib o‘tamiz, BMTTD/GEF loyihasi 2017 yildan buyon amalga oshirilmoqda. Loyihaning muhim yutug‘i 24 turdagi energiya tejaydigan uylarning loyihalarini ishlab chiqish bo‘ldi. Loyiha, shuningdek, binolar uchun energiya samaradorligi bo‘yicha yanada qat'iy talablarni joriy etish uchun bir qator qurilish me'yorlarini qayta ko‘rib chiqdi. Bu butun respublika bo‘ylab energiya tejamkor va kam uglerodli uy-joylarni ommaviy qurilishiga turtki bo‘ldi. Bundan tashqari, loyiha 1358 ta energiya tejamkor va kam uglerodli uylar va ko‘p qavatli tarag‘joy binolarini qurishda moliyaviy va texnik yordam ko‘rsatgan.