ტყის დაცვის პროექტი 2022 წლის აპრილიდან 2023 წლის მარტის ბოლომდე ხორციელდებოდა და შემდეგ შედეგებს მიაღწია:

• სოფელ ჯიღაურაში აშენდა სრულად აღჭურვილი საქმიანი ეზო, რომელიც ადგილობრივ მოსახლეობას მდგრადი გზით მოპოვებული საშეშე მასალით მოემსახურება, ხოლო ადგილობრივ სოფლებს ტყის ხანძრისგან დაიცავს.
• ჯიღაურას, ქვემო ლისისა და ძეგვის საქმიანი ეზოები აღიჭურვა ცეცხლმაქრი საშუალებებით, რადიოგადამცემი მოწყობილობებით, სატვირთო მანქანებით, მაღალი გამავლობის ავტომობილებით („კვადროციკლებით“) და ელექტროენერგიის გენერატორებით.
• სამივე საქმიანი ეზოს მეტყევეებმა გაიარეს შესაბამისი მომზადება ტყის მდგრადი მართვისა და ტყის ხანძართან ბრძოლის საკითხებში.
• 60 სოციალურად დაუცველ ოჯახს გადაეცა ენერგო ეფექტური ღუმლები ყოველდღიური მოხმარებისთვის.
• საქართველოში ვიზიტით ჩამოსულმა იაპონელმა ექსპერტებმა შეიმუშავეს პრაქტიკული რეკომენდაციები  ტყის მდგრადი მართვისა და ეკოტურიზმის განვითარების შესახებ.
• ჩატარდა საინფორმაციო კამპანია „ტყე ჩემი მეგობარია“, რომელის მიზანი იყო ინფორმაციის გავრცელება ტყის დაცვისა და მდგრადი მართვის შესახებ. მოსახლეობასთან შეხვედრები მცხეთის მუნიციპალიტეტის ყველა სოფელში გაიმართა.

საინფორმაციო კამპანიის ფარგლებში, შეიქმნა ანიმირებული მანგა „ტყე ჩემი მეგობარია“, რომელიც საკმაოდ დიდი პოპულარობით სარგებლობს. ანიმაციის ჩვენება სკოლებსა და საინფორმაციო შეხვედრებზე გაიმართა. გაეროს განვითარების პროგრამამ, გარემოსდაცვითი ინფორმაციისა და განათლების ცენტრთან თანამშრომლობით, გამოაცხადა ახალგაზრდული კონკურსი ანიმაციის მე-2 ეპიზოდის საუკეთესო სცენარისთვის, რომელშიც 50-მდე სკოლის მოსწავლე ჩაერთო. კონკურსის სამი გამარჯვებული 15 მარტს, პროექტის შემაჯამებელ ღონისძიებაზე გამოვლინდა:

• ბარბარე არაბული, მე-10-ე კლასის მოსწავლე. დუშეთის მუნიციპალიტეტის სოფელ ლაფანაანთკარის საჯარო სკოლა. 
• ნია ადეიშვილი და ნუცა ონოფრიშვილი, მე-6-ე კლასის მოსწავლეები. ეკოკლუბი AIA.
• ლუკა იმერლიშვილი, გიორგი ოდიშელიძე, მარიამ ქაცარავა, ქეთი გულბათაშვილი, ლიზი მრევლიშვილი, მარიამ თვალიაშვილი, მე-9-ე კლასის მოსწავლეები. მცხეთის 1-ელი საჯარო სკოლა, ეკოკლუბი „ქლოროფილი“. 

###

საქართველოს სატყეო რეფორმის ხელშეწყობა ხორციელდება UNDP-ის გლობალური ინიციატივის, Climate Promise, ფარგლებში, რომელიც 120 ქვეყანასა და ტერიტორიას მოიცავს და კლიმატური დაპირების პრაქტიკულ შესრულებას ემსახურება. საქართველო იმ 23 ქვეყნის რიცხვშია, სადაც Climate Promise იაპონიის დაფინანსებით ხორციელდება.

საკონტაქტო ინფორმაცია:

• სოფო ჭიჭინაძე, UNDP, +995 599 196907, sophie.tchitchinadze@undp.org
• ირა სულავა, UNDP, +995 599 579105, irine.sulava@undp.org
• თამარ მეფარიშვილი, ეროვნული სატყეო სააგენტო, +995 599589141, tamara.meparishvili@forestry.gov.ge