UNDP-ის კლიმატური ძალისხმევა

დოკუმენტური სერია Climate Action Explained ეფუძნება გაეროს განვითარების პროგრამის (UNDP) გლობალურ საქმიანობას კლიმატის ცვლილების სფეროში. ამ საქმიანობის ეფექტიანობის გასაზრდელად, UNDP-მ შექმნა „კლიმატის ჰაბი“, რომელიც მსოფლიოს 140-ზე მეტ ქვეყანას დახმარების უპრეცენდენტო პაკეტს სთავაზობს.

ჯგარდა ამისა, „კლიმატური დაპირების“ (Climate Promise) ინიციატივის ფარგლებში, UNDP თანამშრომლობს მსოფლიოს განვითარებადი ქვეყნების 80 პროცენტზე მეტთან და ხელს უწყობს მათი ეროვნული კლიმატური მიზნების მიღწევასა და კლიმატის კრიზის დაძლევას.

დოკუმენტური სერიის პრემიერა და გავრცელება

დოკუმენტური სერია Climate Action Explained უკვე ხელმისაწვდომია ინგლისურ, ფრანგულ და ესპანურ ენებზე, ხოლო მომავალი თვეების მანძილზე გადაითარგმნება მსოფლიოს სხვა ენებზეც. 

დოკუმენტური სერიის პრემიერა შედგა 21 მარტს, UNDP-ის კიდევ ერთ მასშტაბურ კლიმატურ საინფორმაციო კამპანიასთან, „ამინდის ბავშვებთან“ (Weather Kids) ერთად. კამპანიაში „Weather Kids“ მონაწილეობენ ბავშვები, რომლებიც 2050 წლის ამინდის პროგნოზს წარადგენენ და მაყურებლებს გადამწყვეტი ნაბიჯების გადადგმისკენ მოუწოდებენ. კამპანია „Weather Kids“ ხორციელდება მსოფლიო მეტეოროლოგიურ ორგანიზაციასთან (WMO) და Weather Company-სთან თანამშრომლობით. ისევე როგორც დოკუმენტური სერია Climate Action Explained, ის მიზნად ისახავს ცნობიერების ამაღლებასა და გაერთიანებას კლიმატური მიზნების მისაღწევად.

საკონტაქტო ინფორმაცია ჟურნალისტებისთვის: 

აშშ-ში: mehmet.erdogan@undp.org I +1 917 256 9945

ევროპაში:  florin.marin@undp.org I +40 722 418 457

საქართველოში: sophie.tchitchinadze@undp.org  I + 995 599 196907

                                  irine.sulava@undp.org I +995 599 579105

###

დამატებითი ინფორმაცია:

გაეროს განვითარების პროგრამა:

გაეროს განვითარების პროგრამა (UNDP) გაეროს ერთ-ერთი უმსხვილესი სააგენტო და განვითარების საკითხებზე მომუშავე წამყვანი საერთაშორისო ორგანიზაციაა. მსოფლიოს 170 ქვეყანასა და ტერიტორიაზე, UNDP ხელს უწყობს გრძელვადიანი გადაწყვეტების შემუშავებას ადამიანისა და პლანეტის საკეთილდღეოდ.

მეტი ინფორმაციისთვის ეწვიეთ ვებგვერდს: undp.org

კლიმატის ჰაბი:

UNDP-ის ახლად დაარსებული „კლიმატის ჰაბი“ მსოფლიოს 140-ზე მეტ ქვეყანას დახმარების უპრეცენდენტო პაკეტს სთავაზობს. 2 მილიარდ აშშ დოლარზე მეტი ღირებულების პორტფელი გრანტებით ფინანსდება. ჰაბის საქმიანობა ეყრდნობა UNDP-ის გამოცდილებასა და ექსპერტიზას ისეთ საკითხებში, როგორებიცაა გენდერული თანასწორობა, ენერგეტიკა, სიღარიბის დაძლევა, ჯანმრთელობა, კლიმატის უსაფრთხოება, გარემოს დაცვა, ბიომრავალფეროვნების შენარჩუნება და სხვა.

კლიმატური დაპირება:

UNDP-ის გლობალური ინიციატივა „კლიმატური დაპირება (Climate Promise) მსოფლიოში ყველაზე დიდი შეთავაზებაა ეროვნულ დონეზე განსაზღვრული წვლილის (NDC) შესრულების მხარდასაჭერად. ამ ინიციატივის ხელშეწყობით მსოფლიოს განვითარებადი ქვეყნების 85 პროცენტმა ისარგებლა და განახლებული NDC დოკუმენტები მოამზადა. შედეგად, ქვეყნების 91 პროცენტმა უფრო ამბიციური გეგმები დაისახა კლიმატის ცვლილების შერბილების სფეროში, ხოლო 93 პროცენტმა კლიმატის ცვლილებისადმი ადაპტაციის სფეროში. Climate Promise-ის მხარდაჭერით მომზადებული დოკუმენტების უმეტესობაში (95%) მეტ ყურადღება ეთმობა გენდერული თანასწორობისა და ახალგაზრდების ჩართულობის საკითხებს. ეს დოკუმენტები ასევე გამოირჩევა უფრო მაღალი ხარისხის მონაცემებითა და სიღრმისეული ანალიზით.

კლიმატური პროგრამები საქართველოში:

UNDP-ის კლიმატური პროგრამები საქართველოში მიზნად ისახავს სისტემური მიდგომების შემუშავებასა და დანერგვას კლიმატის ცვლილების მზარდი გამოწვევების დასაძლევად. ეს საქმიანობა კლიმატის მწვანე ფონდის, იაპონიის, შვედეთისა და შვეიცარიის მხარდაჭერით ხორციელდება, რათა ხელი შეუწყოს საქართველოს მთავრობას, სამოქალაქო საზოგადოებას, კერძო სექტორსა და ადგილობრივ მოსახლეობას მნიშვნელოვანი ცვლილებების განხორციელებაში.