Бишкек, Кыргызстан / 2024-жылдын 16-сентябры – 10-13-сентябрда Кыргыз Республикасынын Экономика жана коммерция министрлиги (МЭК) Дүйнөлүк Соода Уюму (ДСУ) менен өнөктөштүктө потенциалды жогорулатуу боюнча төрт күндүк комплекстүү соода келишимдери боюнча сүйлөшүүлөрдү жүргүзүү жөнүндө программа өткөрдү. БУУӨПнын Соодага көмөк көрсөтүү долбоору жана ЕККУнун Бишкектеги Программалык кеңсеси тарабынан колдоого алынган бул демилге Кыргызстандын экспорттук потенциалын жогорулатууга жана туруктуу экономикалык өсүштү камсыз кылууга багытталган. 

Кыргыз Республикасынын Экономика жана соода министрлигинин суроо-талабынан кийин, ДСУ Кыргызстандын соода өкүлдөрүн дүйнөлүк соода талкууларына жана макулдашууларына натыйжалуу катышуу үчүн зарыл көндүмдөр жана билимдер менен жабдуу үчүн потенциалды жогорулатуу боюнча интенсивдүү аракеттерди жасады. Бул кызматташуу Кыргызстандын эл аралык сооданын көйгөйлөрүн жөнгө салууга жана өзүнүн улуттук саясатын эл аралык стандарттарга шайкеш келтирүүгө умтулуусун баса белгиледи. 

«Бул потенциалды жогорулатуу программасы Кыргыз Республикасынын министрликтеринин жана ведомстволорунун адистерине ДСУнун принциптери жана макулдашуулары, соода саясатын талдоо жана сүйлөшүүлөрдүн стратегиялары боюнча терең түшүнүк берди. Ошондой эле соода келишимдерин түзүү жаатында алардын квалификациясын жогорулатууга мүмкүнчүлүк түзүлдү”, - дейт КР Экономика жана коммерция министринин орун басары Назарбек Малаев. 

Бул стратегиялык өнөктөштүк аркылуу БУУӨП Кыргызстанды өнүктүрүү максаттарына жетүү жана дүйнөлүк экономикага натыйжалуу интеграциялануу үчүн колдоо көрсөтүү ниетин дагы бир жолу тастыктады. 

«БУУӨП соода сүйлөшүүлөрүнүн көндүмдөрүн жогорулатуу жана эл аралык соода стандарттарын сактоого көмөк көрсөтүү аркылуу Кыргызстандын экспорттук потенциалын өнүктүрүүгө умтулат. Бул тренинг Кыргызстандын глобалдык рынокко интеграциясын бекемдөө жана туруктуу экономикалык өнүгүүнү камсыз кылуу боюнча биздин кеңири стратегиябыздын негизги компоненти болуп саналат», – деди БУУӨПнын Кыргызстандагы Туруктуу өкүлү Александра Соловьева. 

Потенциалды жогорулатуу аракети темалардын кеңири спектрин камтыды, анын ичинде ДСУнун принциптерине жана макулдашууларына киришүү, соода саясатын талдоо ыкмалары жана сүйлөшүүлөрдүн ишенимдүү пландарын иштеп чыгуу стратегиялары. Катышуучулар практикалык мисалдарды изилдөө жана интерактивдүү симуляциялар аркылуу техникалык тоскоолдуктарды жоюу жана ДСУнун эрежелерин сактоону камсыз кылуу жолдорун изилдешти.

Бул аракеттер Кыргызстанды дүйнөлүк рынокто атаандаштыкка жөндөмдүү оюнчу катары көрсөтүү жана анын туруктуу экономикалык өнүгүүсүнө түрткү берүү үчүн абдан маанилүү. 

Жалпыга маалымдоо каражаттарына суроолор үчүн БУУӨПнын Кыргызстандагы байланыш бөлүмүнүн башчысы Айнагүл Абдрахмановага менен ainagul.abdrahmanova@undp.org дарегине кайрылыңыз. 

*** 

БУУӨП жөнүндө 

Бириккен Улуттар Уюмунун Өнүктүрүү программасы (БУУӨП) БУУнун глобалдык өнүктүрүү тармагы болуп саналат, жакырчылыкты жоюу жана теңсиздикти азайтуу үчүн 170тен ашуун өлкөдө иш алып барат. ПРООН өлкөлөргө туруктуу өнүгүүгө жетишүү үчүн саясатты, лидерлик жөндөмүн, өнөктөштүк жөндөмүн жана институттук мүмкүнчүлүктөрдү өнүктүрүүгө жардам берет. 

БДСУ жөнүндө

Бүткүл дүйнөлүк соода уюму (БДСУ) эл аралык сооданы жөнгө салуучу эл аралык уюм. БДСУ соода келишимдери боюнча сүйлөшүүлөрдүн негизин жана катышуучулардын ДСУнун келишимдерин сактоосун камсыз кылууга багытталган талаштарды чечүү процессин камсыз кылат.