Gender deňligi parahatçylyga, gülläp ösmege we durnukly ösüşe ýetmegiň esasy faktory bolup durýar. Aýallaryň liderçiligini we gatnaşygyny berkitmek 2030-njy ýyla çenli durnukly ösüş boýunça Gün tertibiniň ýerine ýetirilmegini tizleşdirer.

Birleşen Milletler Guramasynyň Ösüş Maksatnamasy (BMG ÖM) gender deňligini höweslendirmäge we aýallaryň hukuklarynyň we mümkinçilikleriniň giňeldilmegine berk ygrarlydyr.  Türkmenistanda BMG ÖM gender deňliginiň ýolundaky päsgelçilikleri aýyrmak, gendere gönükdirilen dolandyryşy gurmak we aýallaryň syýasy we jemgyýetçilik işine gatnaşmagyny üpjün etmek üçin gyzyklanýan halkara we milli  taraplar bilen hyzmatdaşlyk edýär. Biz aýallaryň we gyzlaryň hünär ösüşine we ýurdumyzyň ösmegine işjeň gatnaşmagyna ýardam bermek bilen, olaryň hukularyny we mümkinçiliklerini giňeltmek üçin gender okuwlary /treningleri we goldawy berýäris.

Türkmenistandaky BMGÖM öz işlerinde gender deňligini öňe sürmek üçin döwlet işgärlerine bilim we başarnyklary bermek maksady bilen “Gender meselelerini hemmetaraplaýyn hasaba alynmagy” atly döwlet gullukçylary üçin ýöriteleşdirilen onlaýn okuw sapaklary” (SGMOC) işe girizdi.

Näme üçin bu okuw sapaklary wajyp?

• Gender deňligi BMG-niň esasy ýörelgesi we Türkmenistanyň ileri tutýan meselesi bolup durýar
• Ähli raýatlara täsir edýän syýasaty we maksatnamalary düzmekde esasy ornu döwlet gullukçylara degişli
• Gender deňligi konsepsiýasy we bu ugurda halkara oňyn tejribe bilen döwlet gullukçylary tanyşdyrmak has adalatly jemgyýetiň döredilmegine ýardam berer  

Okuw sapaklary öz içine nämäni gurşap alar?

• Genderiň kesgitlemesi we halkara ölçegleri
• Döwlet syýasatynda gender meselelerini hemmetaraplaýyn hasaba almak
• Gender seljermesiniň gurallary
• Ýerli gender stereotipleri
• Gender deňligine ýetmegiň strategiýalary
• Gender deňligi üçin milli çarçuwallar
• Gender zorlugyň öňüni almak
• Gender deňligine ýetmek üçin erkekleri çekmek