BMTTD va “Zamin” jamg‘armasi o‘zaro anglashuv memorandumini imzoladi
1-May, 2023
![](/sites/g/files/zskgke326/files/2023-05/photo_2023-05-01%2021.05.08.jpeg)
2023 yil 1-may kuni BMTTDning O’zbekistondagi Doimiy vakili Matilda Dimovska xonim va “Zamin” jamg‘armasi direktori Tamila Alieva xonim iqlim o‘zgarishiga oqibatlariga moslashish choralarini boshqarish, atrof-muhitni muhofaza qilish, biologik xilma-xillikni saqlash, tabiiy resurslarni boshqarish va qishloqlarni rivojlantirish sohalarida hamkorlikni yanada mustahkamlash va rasmiylashtirish maqsadida o‘zaro anglashuv memorandumini imzoladilar.
![](/sites/g/files/zskgke326/files/2023-05/52861487089_806612aba3_o.jpg)
Tomonlar nafaqat siyosatga oid tavsiyalarni ishlab chiqish, balki atrof-muhitga ta'sirni baholash, innovatsion yondashuvlar va texnologiyalarni sinovdan o'tkazish va tabiiy resurslardan oqilona foydalanish, shuningdek, jamoatchilikning atrof-muhitni barqaror muhofaza qilish bo’yicha xabardorligini oshirish kampaniyalarini, shu jumladan yoshlar uchun mo’ljallangan ekologik ta'limni kengaytirish tadbirlarini ishlab chiqish va amalga oshirish sohalarida ham hamkorlik qiladilar.
![](/sites/g/files/zskgke326/files/2023-05/52861486559_3e0d7af1ac_o.jpg)
BMTTDning O'zbekistondagi doimiy vakili, Matilda Dimovska o'z nutqida quyidagilarni ta’kidladi:
“O’zaro hamkorligimiz O‘zbekistonning ekologik sektori sanoat, qishloq xo‘jaligi, infratuzilma va turizm sohalarida jadal rivojlanish bilan bog‘liq havo va suvning ifloslanishi, bioxilma-xillikning parchalanishi kabi keng ko‘lamli tahdidlarga duchor bo‘layotgan hozirgi murakkab davrda ayniqsa dolzarbdir. Hozir O‘zbekiston xalqini barqaror rivojlanish yo‘lida qo‘llab-quvvatlashda kuchlarimizni birlashtirishning ayni vaqti.”
![](/sites/g/files/zskgke326/files/2023-05/photo_2023-05-01%2021.05.03.jpeg)
Imzolangan Oʻzaro anglashuv memorandumi mamlakatni rivojlantirishning eng dolzarb vazifalari va BMTTD dasturining O‘zbekistondagi amaldagi ustuvor yo‘nalishlariga muvofiq ishlab chiqiladigan qo‘shma ish rejasi uchun asos bo‘ladi.