სამხრეთ კავკასიაში მშვიდობისა და განვითარების პროგრამა

რას ვაკეთებთ

მშვიდობისა და განვითარების პროგრამა ემსახურება სამხრეთ კავკასიაში კონფლიქტების პრევენციის შესაძლებლობების მოძიებასა და სამშვიდობო ინიციატივების განხორციელებას და ამ მხრივ აზერბაიჯანში, საქართველოსა და სომხეთში მოქმედი გაეროს სააგენტოების თანამშრომლობის გაძლიერებას.

პროგრამის გუნდის ხელმძღვანელობით განხორციელდა გაეროს სააგენტოების კრიზისზე რეაგირებისა და მზაობის გეგმის ცვლილება.

პროგრამის გუნდი ასევე ხელს უწყობს გაეროს თანამშრომლების შესაძლებლობებისა და უნარების გაზრდას კონფლიქტით გამოწვეულ კრიზისულ სიტუაციებზე რეაგირების საკითხებში.

სამშვიდობო ინიციატივების მხრივ, პროგრამის საქმიანობა მიზნად ისახავს ახალი შესაძლებლობების მოძიებას ქვე-რეგიონული პროექტების განხორციელებისთვის. განსაკუთრებული ყურადღება ექცევა ადგილობრივი სამოქალაქო საზოგადოების ჩართულობას, რეგიონული დიალოგის გამართვის  შესაძლებლობების გამონახვასა და საერთაშორისო პარტნიორებისა და დონორების მხარდაჭერას სამშვიდობო და განვითარების ინიციატივების მიმართ.

გარდა ამისა, მშვიდობისა და განვითარების პროგრამის გუნდი დახმარებას უწევს გაეროს მუდმივ კოორდინატორებსა და გაეროს სააგენტოებს პოლიტიკური ანალიზის წარმოებასა და კონფლიქტებთან დაკავშირებულ საკითხებში გაეროს ერთიანი პოზიციის შემუშავებაში.

საკონტაქტო ინფორმაცია

მისამართი

რ. ერისთავის ქ. 9
თბილისი 0179  საქართველო

საკონტაქტო პირი

ოლეჰ პროციკი
რეგიონული მრჩეველი მშვიდობისა და განვითარების საკითხებში
oleh.protsyk@one.un.org