ئامۆژگاریت چییە بۆ ئەو ئافرەتە لاوانەى دەیانەوێت ببن بە سەرکردە لە عێراقدا؟

ئاسیا: خۆبەخشى لە کۆمەڵگادا گرینگە و دەبێت لە سەرەتاى منداڵییەوە فێربکرێن. بەڵام، دەبێت ئافرەتان وریابن لەوەى ڕەنگە هەندێک لەپیاوان خۆیان وا نیشان دەدەن کە مێشکیان کراوەیە بەڵام ڕەنگە ئەوەندە هاریکار نەبن کە دەردەکەوێت. هەمیشە پشتیوانى لە خۆبەخشى و سەرکردایەتى ئافرەتان دەکەم بەڵام، ئامۆژگارى ئافرەتانى عێراق دەکەم کە هۆشیاربن و ئاگادارى خۆیان بن. خۆبەخشى کارێکى مەزنە بۆ ئەوەى ئافرەتان لە ڕێگەیەوە لەکۆمەڵگادا بگەشێنەوە.

مریەم: ئەگەر ئافرەتان بیانەوێت لەداهاتوودا ببن بە سەرکردە دەبێت کار لەسەر دوو شت بکەن. یەکەم، پێویستە متمانەبەخۆبوون لە ناخیدا بڕوێنێت و دووەم، دەبێت خانەوادەکەى هان بدات بۆئەوەى متمانەیان پێى هەبیت. پێموایە دەبێت بڕوا بە خانەوادەکانمان بهێنن کە ئێمە کارێکى ڕاست دەکەین و دڵنیاین کە کارەکانمان نابنە هۆى ئەوەى زەرەرمان پێبگات. دەبێت ئافرەتان پشتیوانى یەکتربن و ئامۆژگاریم ئەوەیە ئافرەتى تر بدۆزیتەوە بۆئەوەى لەکاتى هاتنەپێشەوەى ئاستەنگەکان پشتیوانیت بکات.

عێراق وڵاتێکى دەوڵەمەندە بە کەلتور و سەرچاوە، بەڵام ڕووبەڕووى چەندین ساڵ لە نەهامەتى و جەنگ بووەتەوە. دیدگاتان چییە بۆ داهاتووى عێراق؟

مریەم: ئەمە وەڵامێکى سێ لایەنەى دەوێت. ئێمە پێویستمان بە ئازادییەکى ڕاستەقینە هەیە بۆ ڕادەربڕین و گوزارشتکردن، و قبوڵکردنى یەکترى لە لایەن عێراقییەکانەوە بەبێ ڕەچاوکردنى چاشخان و جیاوازییەکانى نێوانیان، و دەبێت لاوان ڕۆڵێکى ڕاستەقینەیان هەبێت لە پڕۆسەى بڕیارداندا. ئەگەر ئەمانە بێتەدى عێراق داهاتوویەکى پرشنگدار چاوەڕێى دەکات.

ئاسیا: من گەشبینم بە داهاتووى عێراق. بەهێزترین کۆمەڵ لە کۆمەڵگاکەى ئێمەدا لاوانن. ئەگەر لاوان بەهێزبکرێن و بەشدارى پڕۆسەى بڕیاردان بکەن، دەبن بە بزوێنەرى کۆمەڵگایەکى نوێ.

کۆمەڵەکانى لاوان و ئافرەتان بۆ ئاشتى لەلایەن حکونەتى دانیمارکەوە پشتیوانى دەکرێن