Markaziy Osiyo suv tanqis mintaqadir va shuning uchun global iqlim o'zgarishi jarayoni ta'siriga eng zaif. Ushbu mintaqada ekotizimning degradatsiyasini keltirib chiqaradigan asosiy omillar cho'llanish va qurg'oqchilik bo'lib, ular asosan qurg'oqchil yerlarning tabiiy resurslaridan noto'g'ri foydalanish oqibatlari bilan bog’liq.

2020 yil, 22 dekabrda Birlashgan Millatlar Tashkilotining Taraqqiyot Dasturi (BMTTD) va Buyuk Britaniyaning mojarolar xavfsizligi va barqarorlik jamg'armasi (CSSF) yangi qo'shma loyihasini baholash qo'mitasining onlayn yig'ilishi bo'lib o'tdi, qaysi O’zbekistoning Gidrometeorologiya xizmati markazi (O'zgidromet) bilan hamkorlikda amalga oshiriladi. "Markaziy Osiyoda iqlim barqarorligini ta'minlash bo'yicha strategik chora-tadbirlar va harakatlar" yangi mintaqaviy tashabbusi Buyuk Britaniyaning Hamdo'stlik va taraqqiyot bo'yicha tashqi ishlar vazirligi ko'magida va Britaniyaning O'zbekistondagi elchixonasi bilan hamkorlikda Markaziy Osiyoning uchta davlatida - Qirg'iziston, Tojikiston va O'zbekistonda amalga oshiriladi.

Loyihaning maqsadi yanada barqaror va muvofiqlashtirilgan o'zaro aloqalarni ta'minlashga yordam berish va iqlim o'zgarishi muammolari to'g'risida aholining xabardorligini oshirish orqali Markaziy Osiyoda iqlim xavfsizligini ta'minlashga qaratilgan siyosat choralarini kuchaytirishdir.

Loyiha BMT Taraqqiyot Dasturi tomonidan amalga oshirilayotgan barcha tegishli iqlim tashabbuslari bilan yaqin hamkorlikda amalga oshiriladi, masalan, mamlakat tomonidan Parij kelishuviga binoan qabul qilingan 2030 yilgacha issiqxona gazlari chiqindilarining milliy miqyosda kamaytirilishi ambitsiyasini ko'tarish, koronavirus pandemiyasidan so'ng mamlakatning yashil iqtisodiyotini tiklash forumini o'tkazish, va yaqinda Yashil Iqlim Fondi tomonidan moliyalashtiriladigan O'zbekiston uchun Milliy Moslashish rejasini ishlab chiqish bo'yicha loyiha.

Loyihaning asosiy kutilayotgan natijalari qaror qabul qiluvchilarga iqlim o'zgarishi bo'yicha to'liqroq texnik va ilmiy ma'lumotlarni taqdim etishni o'z ichiga oladi; aholining xabardorligini oshirish va iqlim o'zgarishiga qarshi kurashish uchun choralar ko'rish majburiyatini olish. Loyiha iqlim o'zgarishi bo'yicha mintaqaviy hamkorlik uchun yangi imkoniyatlar yaratadi, bu har bir ishtirokchi mamlakatning yutuqlari ko'lamini oshiradi va ularni Markaziy Osiyo mintaqasida iqlim o'zgarishi oqibatida yuzaga keladigan muammolarni birgalikda hal etishda yanada samarali bajariladi. Loyiha faoliyati uchta mamlakatni 2021 yil oxirida Buyuk Britaniyaning Glazgo shahrida bo'lib o'tadigan BMTning Iqlim o'zgarishi to'g'risidagi doiraviy konvensiyasining 26-konferentsiyasida ishtirok etishga tayyorlanishiga yordam beradi. Mintaqaviy darajadagi iqlim o'zgarishiga qarshi kurashish bo'yicha siyosat choralarini kuchaytirish mojaro vaziyatlarining oldini olishga, Markaziy Osiyo mintaqasida energiya va oziq-ovqat xavfsizligi va barqarorlikni ta'minlashga yordam beradi va mamlakatlarning iqlim xavfiga chidamliligini oshiradi.