БҰҰДБ Қазақстан азаматтарының институционалдық реформаларға деген сенімін қалпына келтіру мақсатында «Тыңдаушы мемлекет» тұжырымдамасын қолдауға ерекше көңіл бөледі. Олар цифрландыру арқылы мемлекеттік басқаруды жақсарту, дағдарыстарға төзімділік пен дайындықты арттыру және сыбайлас жемқорлыққа қарсы инновациялық шараларды енгізуді қамтиды.
БҰҰДБ мақсаты азаматтардың бюджетті жұмсауға және мемлекеттік сатып алуларға қатысуын ынталандыру болып табылады. БҰҰДБ жергілікті өзін-өзі басқаруды инклюзивті және гендерлік-сезімтал тәсілдермен кеңейтуге, сондай-ақ азаматтарды шешім қабылдау үдерістеріне белсендірек тарту арқылы жергілікті билік органдарының әлеуетін күшейтуге ерекше көңіл бөледі. 
БҰҰДБ сонымен қатар сот және құқық қорғау органдарын реформалауға, сондай-ақ полицияны жаңғырту үдерісіне қатысуды арттыру бойынша жұмыс жүргізуде. Адам құқықтары мен әйелдердің құқықтарын кеңейтуге қатысты міндеттемелерді қолдауды қоса алғанда, заң үстемдігі басымдық жұмыс саласы болып қала береді.
2030 күн тәртібі шеңберінде серіктестікті дамыту үшін БҰҰДБ тұрақты даму мақсаттарын ұлттық жоспарларға енгізуді, қаржыландыру көздерін анықтауды және кешенді дамуды қаржыландыру стратегиясын ілгерілетуді қолдайды.
БҰҰДБ Қазақстанның жаһандық күн тәртібіне қатысуын әйелдер рөлін күшейту және мемлекеттік қызметті реформалау, сондай-ақ тұрақты даму және өңірлік ынтымақтастық саласында елді халықаралық деңгейде ілгерілетуді қоса алғанда, түрлі бастамалармен қолдап отыр.