Kichik grantlar dasturi (keyingi o‘rinlarda – Dastur) O‘zbekistondagi BMT Taraqqiyot Dasturi va O‘zbekiston Respublikasi Adliya vazirligi hamkorligida amalga oshirilayotgan “O‘zbekistonda qonun ustuvorligini mustahkamlash va inson huquqlarini himoya qilish” loyihasi tomonidan tashkil etilgan va Finlyandiya TIV tomonidan moliyalashtiriladigan Dasturdir.

Dasturning maqsadi:

Aholining ijtimoiy himoyaga muhtoj qatlamlarini (shu jumladan, ayollar, yoshlar va nogironlar), ayniqsa chekka hududlarda va qishloqlarda birlamchi bepul yuridik yordam ko‘rsatish bo‘yicha tematik yo‘nalishlarga yo‘naltirilgan aholiga (shu jumladan, ijtimoiy himoyaga muhtoj qatlamlarga) bepul yuridik yordam ko‘rsatishga ixtisoslashgan fuqarolik jamiyati tashkilotlarini qo‘llab-quvvatlash. Tanlovning maqsadi O‘zbekistonda qonun ustuvorligi va inson huquqlarini himoya qilish sohasidagi islohotlarni qo‘llab-quvvatlash bo‘yicha loyihaning umumiy maqsadiga mos keladi.

Moliyalashtirish:

Qo‘shma tanlovning umumiy byudjeti 50 000 AQSh dollarini tashkil etadi.

Bitta loyiha bo‘yicha so‘ralgan maksimal miqdor BMT Taraqqiyot Dasturi kursi bo‘yicha grant ajratilganda mahalliy valyutada 9900 AQSh dollaridan oshmasligi kerak.

Dasturning tematik yo‘nalishlari:

• aholining ijtimoiy himoyaga muhtoj qatlamlariga (shu jumladan ayollar, yoshlar va nogironligi bo‘lgan shaxslarga) birlamchi bepul yuridik yordam ko‘rsatish;

• huquqiy targ‘ibot tadbirlarini tashkil etish;

• O‘zbekiston qonunchiligiga oid axborotni tarqatishga qaratilgan raqamli va nashr etilgan materiallarni/nashrlarni tayyorlash va tarqatish.

Kichik grantlar dasturida quyidagi talablarga javob beradigan nodavlat notijorat tashkilotlari ishtirok etishlari mumkin: 

• Kam qiymatli grantlar dasturi ochiq e’lon qilingan vaqtda O‘zbekiston Respublikasida ro‘yxatdan o‘tgan yuridik shaxslar;

• Arizada belgilangan yuridik xizmatlarni ko'rsatishga ixtisoslashgan;

• taqdim etilgan loyiha talabnomasini muvaffaqiyatli amalga oshirish uchun tashkiliy-texnik tuzilma va salohiyatga ega.

Qiziqish bildirgan NNTlar arizalarini bu yerda keltirilgan shablonlardan foydalangan holda (o‘zbek yoki rus tillarida) gulnoza.akhmedova@undp.org elektron manziliga 2025-yil 31-yanvardan kechiktirmay yuborishlari kerak.