მიმოხილვა

დუშეთის მუნიციპალიტეტის დაცული ტერიტორიები, არაგვის დაცული ლანდშაფტი და ფშავ-ხევსურეთის ეროვნული პარკი, რომლებიც 50,000 ჰექტრამდე ტერირიტორიაზეა გადაშლილი და უნიკალური ბიომვრავალფეროვნებითა და კულტურული მემკვიდრეობით გამოირჩევა, გახშირებული ტყის ხანძრების საფრთხის წინაშე დგას. ჩეხეთის მთავრობის დაფინანსებით, გაეროს განვითარების პროგრამა ეხმარება დუშეთის მუნიციპალიტეტს ადგილობრივი თემებისა და ტყის ეკოსისტემების მედეგობის გაძლიერებაში კლიმატის ცვლილებით გამოწვეული საფრთხეების მიმართ. 

რას ვაკეთებთ

დუშეთის მუნიციპალიტეტთან, დაცული ტერიტორიების სააგენტოსთან, საგანგებო სიტუაციების მართვის სამსახურთან და ეროვნულ სატყეო სააგენტოსთან მჭიდრო თანამშრომლობით, ინიციატივა მიზნად ისახავს არაგვის დაცულ ლანდშაფტსა და ფშავ-ხევსურეთის ეროვნულ პარკში კატასტროფების რისკის მართვის შესაძლებლობების გაძლიერებას, სოფლისა და ტყის ხანძრების პრევენციისა და მზადყოფნის ღონისძიებების დაგეგმვას და განხორციელებას.

შედეგები

• არაგვის დაცული ლანდშაფტის, ფშავ-ხევსურეთის ეროვნული პარკისა და ეროვნული სატყეო სააგენტოს რეინჯერებმა და საგანგებო სიტუაციების მართვის სამსახურის მეხანძრე-მაშველებმა ტყის ხანძრის პრევენციისა და მართვის სასწავლო პროგრამა გაიარეს.
• არაგვის დაცულ ლანდშაფტსა და ფშავ-ხევსურეთის ეროვნულ პარკს ხანძარსაწინააღმდეგო და პირველადი დახმარების აღჭურვილობა და პორტატული წყლის ავზები, ხოლო დუშეთის მუნიციპალიტეტის საგანგებო სიტუაციების მართვის სამსახურს ყველგანმავალი კვადროციკლი გადაეცათ.