Locations
Жеке ишкердик көп учурда жеке жол катары каралып келген дүйнөдө, үй-бүлөлүк бизнес биригип иштөө жана жалпы көз карашты кармоонун күчүнүн күбөсү катары турат. Биз Эл аралык аялдар күнүн белгилегенде, биз бизнес куруу менен бирге өз жамааттарын өзгөртүп жаткан аялдарды белгилейбиз. Мындай илхам берүүчү ишкер аялдардын бири — Жалал-Абаддагы «Goodnight» отелинин ээси Жийдегүл, ал жолдошу Кубаныч менен бирге үй-бүлөлүк бизнестин ийгиликтүү, туруктуу жана таасирдүү болушу мүмкүн экендигин далилдешкен.
«Эгерде күйөө жана аялы бирге иштесе, кандайгана кыялыңыз болбосун чындыкка айланат», — дейт Жийдегүл. Анын ийгилиги бөлүшүлгөн милдеттердин жана өз ара колдоонун негизинде курулган. «Мен Кубаныч менен баардык нерседе бири-бирибизди толуктайбыз: мен конокторго кызмат көрсөтүү жана тейлөө менен алектенем, ал болсо техникалык маселелер жана бизнести өнүктүрүү менен иштейт. Баардык маанилүү чечимдерди биз биргеликте кабыл алабыз», — деп бөлүшөт ал.
Жийдегүлдүн ишкердик жолун 2019-жылы жолдошу менен үйүн саякатчылар үчүн ыңгайлуу жайга айландыруу чечими баштаган. Мына ошентип «Goodnight» отели пайда болуп, бул жерге киргендер үчүн киреше булагы гана эмес, кыялдар чындыкка айланчу жайга айланды.
«Goodnight» отели үй-бүлөлүк ишкерлик болуу менен катар, жергиликтүү жамаатта да маанилүү ролду ойнойт:
Жалал-Абаддын тургундары үчүн сегиз туруктуу жумуш орду түзүлдү.
Персоналдын 75%-ы жергиликтүү жамааттан келген аялдар, алар эми кесиптик өсүү жана туруктуу киреше мүмкүнчүлүктөрүнө ээ.
Отелдин өнүгүүсүндөгү маанилүү учур — БУУнын Өнүктүрүү программасынын «Соодага көмөк көрсөтүү» долбооруна катышуу болду, ал окуялуу туризм тармагындагы кошумча нарк чынжырчасын жакшыртууга багытталган.
БУУ Өнүктүрүү программасынын колдоосу менен, Жийдегүл жана анын командасы бардык жааттар боюнча — конокторго кызмат көрсөтүүдөн баштап, биринчи жардам көрсөтүү тренингдерине чейин — толук окуудан өттү.
«Гостиница ишинде эч кандай майда-чүйдө жок», — дейт Жийдегүл. «Бир кезде мааниси жок деп ойлонулуп келген нерселер — айдоочу конокторду кандай тосуп алат, эртең мененки тамак кандай берилет — булар конокторду кайра келүүгө үндөйт».
Жатаканага болгон суроо-талаптын сезондук өзгөрүүлөрүн түшүнүп, Жийдегүл отелдин ишин диверсификациялоо чечимин кабыл алып, отельде тамак-аш кызматын баштады. Бул кирешени көбөйтүп, жыл бою бизнес туруктуулугун камсыздады.
«БУУ Өнүктүрүү программасынын менторлук программасынын колдоосу менен, биз азык-түлүк кызматын ийгиликтүү баштоо үчүн зарыл болгон жабдыктарды сатып алдык. Ментор катары мен Horeca Plus ассоциациясынын төрайымы Гульзат Райымбекованы тандадым», — деп айтып берди Жийдегүл. «БУУдан алган кеңештердин жардамы менен, мен кейтеринг кызматтарын өнүктүргүм келгенин жана бул тармакта менторго муктаж экенимди билген элем. Кеңештердин үстүнө, Гульзат Kaynar Group компаниясына окутуу саякатын уюштуруп, менин азык-түлүк тармагындагы мыкты практикаларды үйрөнүшүмө мүмкүнчүлүк берди».
Жийдегүлдүн окуясы үй-бүлөлүк баалуулуктар кандайча ийгиликтүү бизнес курууга негиз болоорунун күчтүү үлгүсү. «Биз балдарыбыз ата-энесинин биргеликте иштеп, бири-бирин сыйлап жана колдоп жатканын көрүүсүн каалайбыз», — деп бөлүшөт ал. «Бул эң маанилүү сабак, биз өтүп жатканыбыз — команда катары иштөө, кыялдарыбызга артта калбай жете берүү жана жамаатка пайдалуу болуу».
Эл аралык аялдар күнүнүн алкагында, БУУ Өнүктүрүү программасы аялдардын климаттын өзгөрүшүнөн тартып, адилеттүүлүк жана ишкерчиликке чейин өзгөрүүлөрдү жасаган аракеттерин баса белгилеп жатат. Жийдегүлдүн таржымалы Кыргызстандагы экономикалык ландшафтты түзүүгө кандайча аялдардын ишкерлиги таасир кылып жаткандыгын көрсөтүп, аялдарды кубаттоо жеке ийгиликтен алда канча көбүрөөк — баары үчүн туруктуу коомду куруу дегенди билдирет.
