Bu taslamanyň maksady, döwlet gullukçylaryň hünär işinde gazanan netijelerini göz öňünde tutýan ýörelgelere laýyklykda Türkmenistanyň Prezidentiniň ýanyndaky Döwlet gullugy akademiýasynda döwlet gullukçylaryň hünär derejesini ýokarlandyrmak okuwlarynyň hem-de ýaş hünärmenleri (şol sanda aýal-gyzlary) ýolbaşçy wezipelere taýýarlamakda mümkinçiliklerini artdyrmakdan ybarat:

Taslama aşakdaky ugurlardan ybarat:

1. Sanly ykdysadyýeti ösdürmegiň esasy maksatlaryna laýyklykda Akademiýada döwlet gullukçylaryň hünär derejesini ýokarlandyrmak boýunça sertifikat bermekligi göz öňünde tutýan okuw maksatnamalary işläp düzmek we ornaşdymak.
2. Sanly ösüş şertlerinde döwlet edaralaryny (döwlet gullugyny) we ýerli öz-özüňi dolandyryş edaralaryny ösdürmegiň ileri tutulýan ugurlary boýunça halkara hyzmatdaşlygy ýola goýmak.
3. Sanly ykdysadyýete geçilýän döwürde döwlet gullugynyň maksatlaryna laýyklykda Akademiýanyň okuw ulgamynyň maglumat kommunikasion tehnologiýalar binýadyny berkitmek.

Garaşylýan netijeler

Taslamanyň çäklerinde hakyky ýagdaýlara esaslanýan we adama gönükdirilen döwlet syýasatyny işläp düzmekde, ony meýilleşdirmekde we amala aşyrmakda gyzyklanýan ýokary hünär derejeli döwlet gullukçylaryna bu ugurda şert dörertmäge ýardam berýän üç wezipeleriň gazanylmagyna garaşylýar.

Türkmenistanda sanlylaşdyrmak şertlerinde döwlet gullugynyň we döwlet dolandyryşynyň netijeliligini ýokarlandyrmak şu Taslamanyň uzak möhletli maksady bolup durýar.

Taslamanyň çäklerinde aşakdaky ahyrky netijeler gazanylar:

1-Netije: Sanly ykdysadyýeti ösdürmegiň esasy maksatlaryna laýyklykda, Akademiýada sanly ykdysadyýetiň ösmeginiň ilkinji nobatdaky wezipelerine laýyklykda sertifikat berýän hünär derejesini ýokarlandyryş maksatnamalar işlenip düzüldi we onda zenanlaryň mümkinçiliklerini hem giňeltmegi göz öňünde tutulup durmuşa geçirildi.

2-Netije: Sanly üýtgeşmeleriň (öwrülişikleriň) şertlerinde döwlet häkimiýet edaralaryny (döwlet gullugyny) we ýerli öz-özüňi dolandyryş edaralaryny kämilleşdirmegiň ileri tutulýan ugurlary boýunça maksatlaýyn halkara hyzmatdaşlyk ýola goýuldy.

3-Netije: Akademiýada Maglumat kommunikasion tehnologiýalary (MKT) boýunça okuwlaryň infrastrukturasy sanly ykdysadyýete geçiş döwründe döwlet gullugynyň wezipelerine laýyk gelýär.