Locations
ჩვენი საქმიანობა
ეკონომიკური განვითარება
მიმოხილვა
გაეროს განვითარების პროგრამის (UNDP) ეკონომიკური განვითარების მიმართულება ხელს უწყობს სიღარიბისა და სოციალური უთანასწორობის შემცირებას, სტრუქტურული და სისტემური ხარვეზების აღმოფხვრასა და თანამშრომლობის სივრცის შექმნას მდგრადი, თანასწორი და კლიმატგონივრული ეკონომიკური ზრდისთვის.
ჩვენს პროექტებს წვლილი შეაქვთ ეკონომიკის საკვანძო მიმართულებებში, როგორებიცაა სოფლის განვითარება, ურბანული განვითარება, კერძო-საჯარო პარტნიორობა, ინოვაციები, ციფრული გარდაქმნა, სატრანსპორტო კავშირები, პროფესიული განათლება და მწვანე და სამართლიანი გადასვლა.
ჩვენი საქმიანობა ეფუძნება გენდერული თანასწორობის, ინკლუზიური ეკონომიკისა და სოციალური სამართლიანობის პრინციპებს, რათა სათანადოდ გაითვალისწინოს ქალების, ახალგაზრდების, სოფლად მცხოვრები მოსახლეობისა და სოციალურად და ეკონომიკურად დაუცველი ჯგუფების ინტერესები.
ამ ფუძემდებელ პრინციპებსა და კომპლექსურ მიდგომებზე დაყრდნობით, ჩვენ ხელს ვუწყობთ ეკონომიკური უთანასწორობის აღმოფხვრას და მხარს ვუჭერთ საქართველოს პროგრესს მდგრადი განვითარებისა ევროკავშირთან ინტეგრაციის მიმართულებით.
ვრცლად
საჯარო, კერძო და სამოქალაქო სექტორებთან მჭიდრო თანამშრომლობით, UNDP ხელს უწყობს შემდეგი ეკონომიკური მიმართულებების განვითარებას:
- ქალაქისა და სოფლის მდგრადი და ინკლუზიური განვითარება.
- ქალაქების ეკონომიკური და სოციალური აღორძინება გაუმჯობესებული სისტემური დაგეგმვისა და ფინანსური მდგრადობის გზით.
- პროფესიული განათლებისა და გადამზადების სისტემური რეფორმა კონკურენტუნარიანი სამუშაო ძალის შესაქმნელად.
- მცირე და საშუალო საწარმოების ხელშეწყობა კერძო სექტორის მდგრადი განვითარებისთვის.
- ქალთა ეკონომიკური გაძლიერება, დაუცველი სოციალური ჯგუფებისთვის მეტი შესაძლებლობების შექმნა და თანასწორი ეკონომიკური მონაწილეობის უზრუნველყოფა.
- ინოვაციები, ციფრული გარდაქმნა და სატრანსპორტო კავშირები.
- მწვანე და სამართლიანი გადასვლა, კლიმატგონივრული ეკონომიკური ზრდა და ცირკულარული ეკონომიკის მშენებლობა.
