ENPARD-4 ხელს უწყობს სოფლის განვითარებას სამი ძირითადი მიმართულებით:

• სოფლის განვითარების მმართველობის სისტემის გაუმჯობესება შესაბამისი პოლიტიკის შექმნისა და განხორციელების გზით.
• სოფლად სერვისებისა და ინფრასტრუქტურის განვითარება, სოფლის განვითარებაში ქალთა როლის გაძლიერება და სოციალური ინკლუზიის უზრუნველყოფა.
• ტყის რესურსების მდგრადი მართვა, გარემოს  დაცვის გაუმჯობესება და კლიმატის ცვლილებასთან დაკავშირებული ზომების გატარება.

ENPARD-4 ხორციელდება მრავალრიცხოვან პარტნიორებთან მჭიდრო თანამშრომლობის პირობებში. მათ შორისაა საქართველოს გარემოს დაცვისა და სოფლის მეურნეობის სამინისტრო,  სოფლის განვითარების სააგენტო, უწყებათაშორისი საკოორდინაციო საბჭო, ადგილობრივი განვითარების ჯგუფები, ადგილობრივი თვითმმართველობა, სამოქალაქო საზოგადოება და კერძო სექტორი.