მიმოხილვა

გაეროს განვითარების პროგრამის (UNDP) დემოკრატიული მმართველობის მიმართულება ძლიერი დემოკრატიული ინსტიტუტების მშენებლობასა და საქართველოს ეროვნული პრიორიტეტების - ევროკავშირთან ინტეგრაციისა და მდგრადი განვითარების მიღწევას ემსახურება.

ჩვენი მიზანია სისტემური რეფორმების მხარდაჭერა როგორც ეროვნულ, ისე ადგილობრივ დონეზე დემოკრატიის ფუნდამენტურ პრინციპებზე დაყრდნობით, როგორებიცაა ძალაუფლების ბალანსი, დეცენტრალიზაცია, ადგილობრივი თვითმმართველობის განვითარება, გენდერულად მგრძნობიარე პოლიტიკა, სოციალური თანასწორობა, კანონის უზენაესობა, მართლმსაჯულების ხელმისაწვდომობა, სამოქალაქო ჩართულობა და ადამიანის უფლებებისა და თავისუფლებების საყოველთაო დაცვა.

ჩვენი საქმიანობა ხელს უწყობს გენდერული უთანასწორობის აღმოფხვრას მმართველობის ყველა დონეზე და ინკლუზიური, თანასწორი და დემოკრატიული მმართველობის სისტემის განვითარებას.

ჩვენი საერთაშორისო გამოცდილება და ადგილობრივი ვითარების სიღრმისეული ცოდნა გვეხმარება პარტნიორობისა და თანამშრომლობის ქსელის შექმნაში და ხელს უწყობს  ჩართულობის, ანგარიშვალდებულებისა და ეფექტიანობის პრინციპების დანერგვას.