UNDP და გარემოს დაცვისა და სოფლის მეურნეობის სამინისტრო ერთობლივად ახორციელებენ პროგრამას, რომელიც საქართველოში მონრეალის ოქმის შესრულებასა და საშიში ოზონდამშლელი ნივთიერებების მოხმარებიდან ამოღებას ემსახურება. გასულ წლებში შესრულებულმა სამუშაომ მნიშვნელოვნად შეუწყო ხელი ხელოვნური სიცივის სექტორის განვითარებას და გარემოსადმი მეგობრული ტექნოლოგიების დანერგვას:

• 2013 წელს, სრულად შეჩერდა ოზონდამშლელი მაცივარაგენტის, 142-B-ს მოხმარება.
• 2020 წელს, ოზონდამშლელი მაცივარაგენტის, R-22-ის იმპორტი ისტორიულ მინიმუმზე დავიდა და წელიწადში 15.5 ტონა შეადგინა. 
• შემუშავდა სხვა ოზონდამშლელი ნივთიერებების ხმარებიდან ამოღების ათწლიანი გეგმა, რომელიც 2011-2021 წლებში ხორციელდებოდა.
• დაიხვეწა ოზონდამშლელი ნივთიერებების შესახებ კანონმდებლობა, შეიქმნა ახალი რეგულაციები, დაინერგა იმპორტის კვოტების სისტემა.
• 2021 წელს, საქართველოს საზოგადოებრივი მაუწყებელი ჰაერის კონდიცირების გარემოსთვის თანამედროვე, უსაფრთხო და ამავდროულად ეკონომიურ სისტემაზე გადავიდა. მხოლოდ ამ სადემონსტრაციო პროექტის შედეგად, ხმარებიდან ამოღებულ იქნა 130 კილოგრამამდე საშიში ოზონდამშლელი მაცივარაგენტი R-22.
• ბევრ ქართულ კომპანიასა და ორგანიზაციაში ჰაერის კონდიცირების თანამედროვე სისტემები დაინერგა.
• შეიქმნა და აღიჭურვა მაცივარაგენტების რეციკლირების ორი ცენტრი. 20 სამაცივრო სერვის კომპანია აღიჭურვა მაცივარაგენტების აღმდგენი დანადგარით, მრავალჯერადი გამოყენების ცილინდრებითა და ჟონვის დეტექტორებით.
• უახლესი ტექნიკით აღიჭურვა სამაცივრო დანადგარების მომსახურების ოცი კომპანია.
• პროფესიულ სასწავლებლებში დაინერგა მემაცივრე ტექნიკოსების გადამზადების კურსი.
• შეიქმნა სასწავლო მასალა მემაცივრე ტექნიკოსების, მებაჟეებისა და გარემოსდაცვითი ზედამხედველობის დეპარტამენტის ინსპექტორებისათვის.
• 800-მა ტექნიკოსმა და 300-მა მებაჟემ პროფესიული ტრენინგი და გადამზადება გაიარა.
• შეიქმნა მემაცივრე ტექნიკოსების სერტიფიცირების სისტემა და 150-მა ტექნიკოსმა მიიღო შესაბამისი სერტიფიკატი.   
• საყოფაცხოვრებო ტექნიკის უმსხვილესი მაღაზიების კონსულტანტებმა გაიარეს ტრენინგი უსაფრთხო სამაცივრო ტექნოლოგიების გასაცნობად.
• მემაცივრე ტექნიკოსებს, საბაჟო დეპარტამენტსა და გარემოსდაცვითი ზედამხედველობის დეპარტამენტს გადაეცა თანამედროვე აღჭურვილობა, მათ შორის მაცივარაგენტების იდენტიფიკატორები და გაჟონვის დეტექტორები.

UNDP-ის დახმარება 2030 წლამდე გაგრძელდა. მისი მიზანია საქართველოს ხელშეწყობა მონრეალის ოქმის ფარგლებში აღებული ამბიციური ვალდებულების შესრულებაში, რომელიც 2030 წლამდე ოზონდამშლელი ნივთიერებების 97.5 პროცენტის მოხმარებიდან ამოღებას ითვალისწინებს. შემდეგი ათი წლის მანძილზე, 2030-დან 2040 წლამდე, საქართველოში მოხმარებაში დარჩება საბაზისო რაოდენობის ოზონდამშლელი ნივთიერებების მხოლოდ 2.5 პროცენტი, რაც მომსახურების სფეროს მოხმარდება.   

საკონტაქტო ინფორმაცია:

• სოფო ჭიჭინაძე, UNDP, +995 599 196907, sophie.tchitchinadze@undp.org
• ირა სულავა, UNDP, +995 599 579105, irine.sulava@undp.org
• ნანა ჩინჩილაკაშვილი, საქართველოს გარემოს დაცვისა და სოფლის მეურნეობის სამინისტრო, +995 599 502619, nana.chinchilakashvili@mepa.gov.ge